’మహనటి’, సీతారామం చిత్రాలతో తెలుగువారికి చేరువైన మలయాళీ నటుడు దుల్కర్‌ సల్మాన్‌ స్త్రీ, మోనికా. ఓ మై డార్లింగ్‌ లాంటి మూవీలతో హిట్‌ కొట్టిన రాజ్‌ కుమార్‌ రావు లీడ్‌ రోల్స్‌లో నటిస్తోన్న సరికొత్త వెబ్‌సిరీస్‌ ’గన్స్‌ అండ్‌ గులాబ్స్‌’ ఇప్పటికే ఈ సిరీస్‌ నుంచి ఫస్ట్‌ లుక్‌, టీజర్‌లను విడుదల చేయగా.. ప్రేక్షకులను విపరీతంగా ఆకట్టుకున్నాయి. ఇక ఈ వెబ్‌సిరీస్‌కు సంబంధించిన హిందీ ట్రైలర్‌ను గత బుధవారం విడుదల చేసిన విషయం తెలిసిందే.
తాజాగా ఈ సిరీస్‌ తెలుగు ట్రైలర్‌ను మేకర్స్‌ విడుదల చేశారు. ట్రైలర్‌ గమనిస్తే.. ఈ వెబ్‌ సిరీస్‌లో స్టైలిష్‌ పోలీసుగా కనిపించనున్నారు దుల్కర్‌ సల్మాన్‌. ఈ స్టార్‌ హీరోకు ఇదే మొదటి వెబ్‌ సిరీస్‌. గులాబ్‌ గంజ్‌ అనే ప్రాంతంలో గ్యాంగ్‌స్టర్స్‌కు, పోలీసులకు మధ్య జరిగిన పోరాటం ఆధారంగా ఈ కైమ్ర్‌ సిరీస్‌ను రూపొందించినట్లు ట్రైలర్‌ చుస్తే తెలిసిపోతుంది. పాన టిప్పు అనే పాత్రలో గ్యాంగ్‌స్టర్‌గా రాజ్‌ కుమార్‌ రావు అలరించనున్నాడు.