‘నాటు నాటు నాటు’ పాటకు ‘ఆస్కార్’ అందుకున్న ‘RRR’ చిత్ర గీతం నేడు ప్రపంచమంతా ప్రభంజనంలా అన్ని దిక్కులా వినిపిస్తోంది. ఒక్కసారిగా కోట్లమంది హృదయం కొల్లగొట్టిన పాట – ప్రపంచవేదిక మీద తొలిసారిగా ఆసియా ఖండం నుండి, అందునా మన తెలుగు గడ్డ నుండి దూసుకు వచ్చిన పాట – ‘గోల్డెన్ గ్లోబ్ 2023 – బెస్ట్ ఒరిజినల్ సాంగ్’ అవార్డు కైవసం చేసుకున్న ‘నాటు నాటు నాటు’ పాట. ‘RRR’ చిత్రం కోసం కీరవాణి సంగీత సారథ్యంలో గీత రచయిత చంద్రబోస్ రాసిన అచ్చ తెలుగు జానపద నృత్య గీతం ‘నాటు నాటు నాటు’ పాటని ఇష్టపడని తెలుగువాడు ఉండడు.
“ఇది మన పాట, మన తెలుగుదనం ఉన్న పాట, వీక్షకులు అవాక్కయ్యేలా మన అభిమాన హీరోలు స్టెప్పులు వేసిన పాట. కనక మనకి నచ్చింది. పాశ్చాత్య దేశాలలోని నూట అయిదుగురు జ్యూరీ సభ్యులకు కూడా అంతలా నచ్చింది. లేడీ గాగా, టేలర్ స్విఫ్ట్, రెహానా వంటి ప్రపంచ ప్రఖ్యాత గాయనీమణుల పాటలను వెనక్కి నెట్టి, గోల్డెన్ గ్లోబ్ అవార్డును కైవసం చేసుకొనే అంత గొప్పతనం ఆ పాటలో ఉంది. RRR మూవీలోని ‘నాటు నాటు నాటు’ పాటకు ‘ఆస్కార్’ వచ్చిన నేపథ్యంలో సంగీత దర్శకులు ఎం.ఎం.కీరవాణిని మర్యాదపూర్వకంగా కలిసి అభినందనలు అందజేశారు యాక్షన్ కింగ్ అర్జున్.