నరేంద్ర మోదీకి, కాంగ్రెస్ అధ్యక్షుడు రాహుల్ గాంధీకి ప్రధాన మంత్రి పదవికి నేరుగా ఎన్నికలు జరిగితే ఏమవుతుంది. దక్షిణాది రాష్ట్రాలయిన ఆంధ్రప్రదేశ్, తమిళనాడు, కేరళలలో రాహుల్ గాంధీకి మెజారిటీ వస్తుంది. ఈ రాష్ట్రాలతో పాటు పంజాబ్ చాయస్ కూడా రాహుల్ గాంధీయే. ఇక మిగతా దేశమంతా ప్రధానిగా మోదీకే ప్రాముఖ్యం ఇస్తాయి. ఈ విషయం Cvoter-IANS సర్వేలో వెల్లడయింది.
ఈ సర్వేని ఏప్రిల్ 19 న జరిపారు.రాహుల్ గాంధీ, నరేంద్ర మోదీలు ప్రధాని పదవికి పోటీ పడితే, మీరెవరికి వోటేస్తారనే విషయం మీద ఈ సర్వే జరిగింది.
జాతీయ స్థాయిలో మాత్రం మోదీ కే అధిక్యత వచ్చింది.ఆయనకు రాహుల్ కంటే 26.10 శాతం ఆధిక్యత వచ్చింది.
రాష్ట్రాల విషయానికి వస్తే కేరళలో 64.96 శాతం మంది ప్రధానిగా రాహుల్ కే ఓటేస్తామని చెప్పారు. మలయాళ రాష్ట్రంలో ప్రధాని నరేంద్రమోదీ వైపు కేవలం 23.97 శాతమ మంది మాత్రమే మొగ్గు చూపారు.
తమిళనాడులో రాహుల్ గాంధీని 60.91 శాతం సమర్థిస్తే, మోదీ మద్దతుదారులు కేవలం 23.97 శాతం మాత్రమే ఉన్నారు. ఇంక పంజాబ్ లో 37.04 శాతం రాహుల్ గాంధీ కావాలంటే 36.05 శాతం మోదీకి వోటేస్తామని చెప్పారు. ఈ రాష్ట్రాలన్నింటా బిజెపియేతర ప్రభుత్వాలున్నాయి.
ఈ సర్వే కోసం జాతీయ స్థాయిలో మొత్తంగా 11,932 మందిని సంప్రదించారు. ఇందులో ఆంధ్రప్రదేశ్ లో 451 మందిని, కేరళలో 701 మందిని, తమిళనాడులో 533, పంజాబ్ లో 602 మందిని ప్రశ్నించారు.
ఆంధ్రలో మోదీ 11 శాతం వెనకబడి ఉన్నారు. కేరళలో 40.99 శాతం వెనకబడి ఉంటే, తమిళనాడులో 33.93 శాతం వెనబడి ఉన్నారు. ఇక పంజాబ్ ఈ గ్యాప్ బాగా తక్కువ . ఇది కేవలం 0.99 శాతమే.
ఉత్తరాది రాష్ట్రాలకొస్తే రాహుల్ గాందీ మీద మోదీకి హర్యానాలో 61.50 శాతం ఆధిక్యత ఉంది. హర్యానాలో రాహుల్ ను ప్రధానిగా ఇష్టపడేవారు కేవలం 14.92 శాతమే.
ఏప్రిల్ 18 న జరిపిన మరొక సర్వే ఇంకొక ఆసక్తి కరమయిన విషయాన్ని వెల్లడించింది. ఈ సర్వేల ప్రధాని మోదీ మీద సంతృప్తిగా ఉన్నారా , అంతసంతప్తిగా లేరా, సంతృప్తిగా లేరా అనే మూడు ప్రశ్నలతో 11,047 మంది లో సర్వే చేయడం జరిగింది.
మార్చి 7 నాటి ఇదే సర్వేతో పోలిస్తే ఏప్రిల్ 18నాటికి ప్రధాని పాపులారిటీ 16.55 శాతం పడిపోయింది. మార్చి ఏడు ఆయన మీద సంతృప్తి స్థాయి 63.47 శాతం ఉంటే ఏప్రిల్ 18 నాటికి ఇది 46.92 శాతానికి పడిపోయింది. పాపులారిటీ బాలాకోట్ సర్జికల్ స్ట్రయిక్ తో ఫిబ్రవరి 26న పెరిగిన మాట నిజమే కాని, ఆతర్వాత పాపులారిటీ క్రమంగా తగ్గడం కనిపించింది.
అయితే, రాహుల్ గాంధీ అంటే ఇష్ట పడే వారి సంఖ్య పెద్దగా పెరగడం లేదు. ఏప్రిల్ 18న ఆయన నెట్ శాటిస్ పాక్షన్ లెవెన్ ( సంతృప్తి వ్యక్తం చేసింది) 6.82 శాతమే. ఆయన అసంతృప్తి కనబరచింది కేవలం 25.78 శాతమే. సంతృప్తి చెందిన వారి సంఖ్య 40.64 శాతం. ఆయన మీద మొత్తం సంతృప్తి 10 పాయంట్ల లోపలే ఉంది. ఫిబ్రవరి 28 నుంచి ఇప్పటి దాకా ఇదేం మెరుగపడలేదు.