యాదాద్రి భువనగిరి జిల్లా కేంద్రానికి చెందిన గుజ్జ నవీన్ అనే ఎంబీబీఎస్ విద్యార్థి రష్యాలో మృతి చెందాడు. భువనగిరి నుండి కలిసి వెళ్లిన ముగ్గురు విద్యార్థులు రష్యాలో ఎంబీబీఎస్ చదువుతున్నారు. అందులో నవీన్ ఒకరు. భువనగిరి పట్టణంలోని ఆర్ బీ నగర్ కు చెందిన గుజ్జ హేమలత, యాదగిరి దంపతుల పెద్ద కుమారుడు నవీన్. నవీన్ రష్యాలోని ఓరన్ బాగ్ మెడికల్ యూనివర్సిటిలో చదువుతున్నాడు. పుట్టిన రోజు జరుపుకుందామని స్నేహితులతో కలిసి నవీన్ విహార యాత్రకు వెళ్లాడు. ఓ డ్యాం వద్ద సరదాగా ఈత కొట్టేందుకు దిగి ప్రమాదవశాత్తు మునిగి నవీన్ చనిపోయుడు.
తల్లిదండ్రులతోె నవీన్ (సర్కిల్ లో ఉన్న వ్యక్తి )
నవీన్ చనిపోయిన విషయాన్ని స్నేహితుల ద్వారా తెలుఃసుకున్న నవీన్ తల్లిదండ్రులు, కుటుంబ సభ్యులు శోకసంద్రంలో మునిగి పోయారు. నవీన్ మృతదేహాన్ని రష్యా నుంచి భువనగిరికి తీసుకొచ్చేందుకు అధికారులు ఏర్పాట్లు చేస్తున్నట్టు తెలుస్తోంది.