నెల్లూరు స్టార్టప్ టెంప్లేట్ కాపీ కొట్టిన బిజెపి

By TR Political Desk on

ఇంత చేసి, భారతీయ జనతా పార్టీ ఆంధ్రప్రదేశ్ నెల్లూరు కు చెందిన ఒక స్టార్టప్ ఐటి కంపెనీ టెంప్లేట్ ను కాపి కొట్టిల్సి వచ్చింది. ఆ మధ్య మార్చి 5 వ తేదీన బిజెపి జాతీయపార్టీ వెబ్ సైట్ హ్యకయింది. దీనితో వెబ్ సైట్ ను మూసేశారు.మార్చి 21న ఈ వెబ్ సైట్ మళ్లీ ప్రత్యక్షమయింది.

అయితే ఈసారి కాపీ కొట్టిన టెంప్లేట్ తో జనం ముందకు వచ్చింది. ఈ టెంప్లేట్ ను డెవెలప్ చేసింది నెల్లూరు చెందిన W3layouts అనే స్టార్టప్. నిజానికి ఇది ఫ్రీ టెంప్లేటే.అయితే, ఈ టెంప్లేట్ ను వాడుకున్నాక బ్యాక్ లింక్ ఇవ్వాలి.ఇది టెంప్లేట్ ను వాడుకునేందుకు కండిషన్. అయితే దీనికి ఖాతరు చేయకుండా బిజెపి టెంప్లేట్ వాడుకుంది.

దేశంలో అతి పెద్ద పార్టీ, వందల కోట్ల పార్టీ ఫండ్ వసూలు చేసిన పార్టీ, భారతదేశాన్ని పరిపాలిస్తున్న పార్టీ  ఒక స్టార్ట్ అప్ నుప్రోత్సహించాలి. అయితే, బిజెపి ఐటి సెల్ దీనికి భిన్నంగా ప్రవర్తించడం బాధాకరం.స్టార్ అప్ అడిగింది ఒక్క పైసా కూడా ఖర్చుకాని బ్యాక్ లింగ్ మాత్రమే.

 

ఈ విషయం ఎవరికీ తెలియదు. అయితే మొన్న శనివారం నాడు W3layouts ఒక బ్లాగ్ పోస్టును ప్రచురించింది. అందులో ఈ విషయం రాశారు. హ్యాక్ అయిన తర్వాత వచ్చిన కొత్త వెబ్ సైట్ తాము డెవెలప్ చేసిన peek అనే టెంప్లేట్ ను వాడుకున్నారని బ్లాగ్ లో పేర్కొన్నారు. ఇది ‘landing page bootstrap responsive web template’. అదెలా ఉంటుందో ఇక్కడ చూడండి. ఎవరైనా డిజైనర్ ఈ టెంప్లేట్ ను వాడుకుంటే కంపెనీకి బ్యాక్ లింగ్ నోటిఫికేషన్ వెలుతుంది. ఈ మేరకు టెంప్లేట్ లో ఏర్పాటుంది. అయితే, ఈ బ్యాక్ లింక్ ను బిజెపి వెబ్ సైట్ నిర్వాహకులు తీసేశారని W3layouts బ్లాగ్ పేర్కొంది.

బిజెపి ఐటి సెల్ హెడ్ అమిత్ మాలవీయ దీనిని సమర్థించుకున్నారు తెలివిగా. తాము వాడింది ఫ్రీ టెంప్లేట్ ‘free-to-use- application’ అని, తమకు ఇలా బ్యాక్ లింగ్ ఇచ్చే అలవాటు లేనందున W3layouts కోడ్ ను తీసేశామని ఆయన చెప్పారు.

‘ వాళ్ల పేరు పెట్టాలనుకున్నాం. అయితే, దానికి మా వాళ్లు వ్యతిరేకించారు.ఇపుడు మేం ప్రత్యామ్నాయం చూసుకుంటున్నాం,’ అని ఆయన చెప్పారు.
మాలవీయ వివరణ ఇచ్చాక W3layouts బిజెపి వెబ్ సైట్ స్క్రీన్ షాట్స్ ను బహిర్గతం చేసింది.

అయితే, ఈ వ్యవహారంతో బిజెపి పరువు పోవడంతో  ఐటి విభాగం సిబ్బంది సంప్రదింపులకు వచ్చారు.