క్రీడల పండుగ ఆసియాడ్ శనివారం ప్రారంభమైంది. 18 వ ఆసియా క్రీడలలో రెజ్లింగ్ విభాగంలో దేశానికి తొలి స్వరణాన్ని అందించాడు రెజ్లర్ బజరంగ్ పునియా. ఆదివారం జకార్తాలో జరిగిన పురుషుల 65 కిలోల ఫ్రీ స్టైల్ మ్యాచ్ లో జపాన్ రెజ్లర్ తకతాని డాయిచి పై ఈ విజయాన్ని సాధించాడు.
స్వర్ణం సాధించడమే లక్ష్యంగా బరిలోకి దిగిన బజరంగ్ తన ప్రత్యర్థిని 11 – 8 తో ఓడించాడు. ఈ 24 ఏళ్ళ బజరంగ్ ఆసియా క్రీడల కంటే ముందు వరుసగా మూడుసార్లు బంగారు పథకాలను కైవసం చేసుకున్నాడు. సిడబ్ల్యూజీ(గోల్డ్ కోస్ట్), టిబియా గ్రాండ్ పిక్స్(జార్జియా), యాసర్ డొకు ఇంటర్నేషనల్(ఇస్తాంబుల్) పోటీలలో తను మూడు గోల్డ్ మెడల్స్ సాధించాడు.