బయట భయంకరంగా ఫణి తుఫాన్, లోన ప్రశాంతంగా బేబీ ఫణి

ఉదయం 11.30. బయట ఫణితుఫాన్ ఒరిస్సాతీరాన్ని తాకి వర్షబీభత్సాన్ని సృష్టిస్తూ ఉంది. భువనేశ్వర్ రైల్వే ఆసుపత్రి మీద ఫణి తన ప్రతాపం చూపిస్తూ ఉంది. అయినా సరే ఏమాత్రం చలించకుండా లేబర్ రూంలో డాక్టర్ నర్సులు తమ పని పూర్తి చేశారు. ఒక పండంటి పాపకు పురుడు పోశారు. ఆ పాపని వాళ్లు బేబీఫణి అని పిలిచారు. ఇపుడు ఒరిస్సాని కుదిపేస్తున్న తుఫాను పేరు ఫణి. దీనికి ఆపేరు పెట్టింది బంగ్లాదేశ్. ఫణి ని వాళ్ల ఫోని అంటారు. బెంగాల్ అ అనే అక్షరాన్ని ఒ అని పలుకుతారు. అందుకే తుఫాను FANI ని ఫోని అని పలుకుతారు. నిజానికి ఇది సంస్కృత పదం ఫణి. దీని అర్థం పాము పడగ.

తుఫాన్ భువనేశ్వర్ లోకి ప్రవేశించిన సమయం అంటే ఉ. 11.30 కే పాపకూడా పుట్టింది.అందుకే మేం ఆమెని బేబీ ఫణి అనిపిలుస్తున్నాం. తల్లికి పాప మొదటి సంతానం. ఇద్దరు ఆరోగ్యంగా ఉన్నారు. తుఫాన్ లోఆసుపత్రి బాగా దెబ్బతినింది అని ఈస్టో కోస్టు రైల్వే అధికార ప్రతినిధి జెపి మిశ్రా చెప్పారు.

ఈ ఉదయం 175 కి.మీ వేగంతో ఫణి తుఫాన్ ఒరిస్సా తీరాన్ని తాకింది. రాష్ట్రాన్ని అతలా కుతలం చేసింది. ఇదే సమయంలో లేబర్ రూంలో  డాక్టర్ హడావిడిగా ఉన్నారు.

బయట తుఫాన్ భయంకరంగా ఉంది. ఆసుపత్రి కూడా గాలివానలో చిక్కుకుంది. అయిన సరే ప్రశాంతంగా డాక్టర్ల బృందం పురుడుపోసింది. అందుకే డాక్టర్ పాపని ఫణి అనిపిలుస్తున్నారు అని ఆయన చెప్పారు.
అయితే, ఆసుపత్రిలో పాప బేబీ ఫణి అయినా తల్లితండ్రులు ఆ పేరును కొనసాగిస్తారో లేదో తెలియదు.