బిగ్ బాస్ 4… ప్రస్తుతం తెలుగు రాష్ట్రాల్లో ఎక్కడ చూసినా ఈ షో గురించే చర్చ. ఇది ప్రపంచంలోనే అతి పెద్ద రియాలిటీ షో. బిగ్ బాస్ హౌస్ లోకి వెళ్లిన వాళ్లకు పాపులారిటీ మామూలుగా రావడం లేదు. అందులోకి వెళ్లడమంటేనే లక్కు తోక తొక్కినట్టు. బిగ్ బాస్ హౌస్ నుంచి బయటికి వచ్చిన వాళ్లకు మంచి మంచి ఆఫర్లు వస్తున్నాయి. అందుకే.. చాలామంది బిగ్ బాస్ హౌస్ లోకి వెళ్లాలని కలలు కంటుంటారు.
తాజాగా.. బిగ్ బాస్ తెలుగు 4వ సీజన్ కూడా మాంచి దూకుడు మీదుంది. ఇంకో నెల రోజుల్లో బిగ్ బాస్ సీజన్ పూర్తికానుంది. ప్రస్తుతానికి హౌస్ లో మిగిలింది ఏడుగురు సభ్యులే. ఈ వారం నామినేషన్లు కూడా పూర్తయ్యాయి. అభిజీత్, సోహెల్ తప్ప.. మిగితా ఇంటి సభ్యులంతా నామినేట్ అయ్యారు.
అయితే.. తాజాగా బిగ్ బాస్ కు సంబంధించిన ఓ విషయం వెలుగులోకి వచ్చింది. బిగ్ బాస్ హౌస్ట్ నాగార్జునకు ఇష్టమైన కంటెస్టెంట్ ఎవరో తెలిసిపోయింది. నాగ్ కు ఇష్టమైన కంటెస్టెంట్ ఇతడే అంటూ సోషల్ మీడియాలో తెగ ప్రచారంలో ఉంది. అందుకే… నాగ్ ఆ కంటెస్టెంట్ ను మందలించి.. సెట్ రైట్ చేశాడని టాక్ వినిపిస్తోంది.
ఇంతకీ ఎవరా కంటెస్టెంట్ అంటారా? లైఫ్ ఈజ్ బ్యూటిఫుల్ హీరో అభిజీత్. అవును… అభిజీతే.. నాగ్ కు ఇష్టమైన కంటెస్టెంట్ అట. నాగ్ కే కాదు.. ఆయన భార్య అమలకు, వాళ్ల ఇంట్లో అందరికీ అభిజీత్ ఫేవరేట్ కంటెస్టెంట్ అట.
అందుకే.. మొన్న వీకెండ్ షోలో కూడా అభిజీత్ సరిగ్గా డ్యాన్స్ చేయకున్నా.. డ్యాన్స్ బాగా చేశావంటూ నాగ్ ఆయన్ను ఎంకరేజ్ చేయడం చూస్తుంటే.. ఈ సీజన్ విన్నర్ నో డౌట్ ఇంకెవరో కాదు.. అభిజీతే అని స్పష్టంగా తెలిసిపోతోంది అని సోషల్ మీడియాలో వార్తలు వస్తున్నాయి.
ఈ నాలుగు వారాలు ఏదో సోసోగా నడిపించేసి… అభిజీత్ కు టైటిల్ ఇచ్చేసి బిగ్ బాస్ షోను మూసేసేందుకు బిగ్ బాస్ నిర్వాహకులు కూడా ప్లాన్ చేసుకుంటున్నారట. అందుకే.. నాగ్.. తన ఫేవరేట్ కంటెస్టెంట్ పై శ్రద్ధ పెట్టారంటూ వార్తలు వస్తున్నాయి. చూద్దాం మరి.. నాగ్ ఫేవరేట్ కంటెస్టెంట్ ఈసారి టైటిల్ గెలుస్తాడో లేదో?