బుల్లితెర ప్రేక్ష‌కుల‌ని ఎంత‌గానో అల‌రిస్తున్న బిగ్ రియాలిటీ షో బిగ్ బాస్. మ‌రో నెల రోజుల‌లో విజేత ఎవ‌ర‌నేది తెలియ‌నుండ‌గా, టాప్ 5లో ఎవ‌రుంటార‌నే దానిపై విస్త్రృత చ‌ర్చ‌లు జ‌రుగుతున్నాయి. ప్ర‌స్తుతం ఇంట్లో 9 మంది స‌భ్యులు ఉండ‌గా, వారిలో అఖిల్, అభిజీత్, అవినాష్, లాస్య, సోహైల్ లు టాప్ 5లో ఉంటార‌ని స‌మాచారం. ఇక టాప్ 2కి అభిజిత్, లాస్య లేదంటే అభిజీత్, అఖిల్ ఉంటార‌ని గుస‌గుస‌లు వినిపిస్తున్నాయి. ఏదేమైన షో చివ‌రి స్టేజ్‌కి వ‌స్తుండ‌డంతో అంద‌రిలో ఉత్కంఠ నెల‌కొంది.
ఇక ఈ వారం ఎలిమినేష‌న్ ప్ర‌క్రియ‌పై కూడా చ‌ర్చ‌లు జ‌రుగుతున్నాయి. ప్ర‌స్తుతం ప‌దోవారానికిగానూ అభిజిత్, సోహైల్, మెహబూబ్, అరియానా, మోనాల్, హారిక ఎలిమినేష‌న్ జోన్‌లో ఉన్నారు. వీరిలో మెహబూబ్, ఆ త‌ర్వాత మోనాల్ డేంజ‌ర్ జోన్‌లో ఉన్నారు. మెహబూబ్ ఎలిమినేట్ అవుతాడ‌ని జోరుగా చ‌ర్చ‌లు న‌డుస్తున్న‌ప్ప‌టికీ, బిగ్ బాస్ ద‌త్త పుత్రిక మోనాల్ ని ఈ వారం బ‌య‌ట‌కు పంప‌నున్న‌ట్టు తెలుస్తుంది.ప్రేక్ష‌కులు మోనాల్ బాధ‌ని భ‌రించ‌లేక బ‌య‌ట‌కు పంపండి మ‌హాప్ర‌భో అంటున్న‌ప్ప‌టికీ, బిగ్ బాస్ త‌న ద‌త్త‌పుత్రిక హౌజ్‌లో ఉంచి ఎంట‌ర్‌టైన్ చేస్తున్నారు. కాని ఈ సారి మాత్రం మోనాల్ పై వేటు ప‌క్కా అంటున్నారు
ప‌దోవారం ఎలిమినేష‌న్‌లో మెహబూబ్, మోనాల్ మ‌ధ్య బిగ్ ఫైట్ న‌డుస్తుంది. ఓసారి మోనాల్‌ని కాపాడేందుకు కుమార్ సాయిని బ‌లి చేయ‌గా, ఈ సారి మెహ‌బూబ్‌ని బ‌లి చేసి మోనాల్‌ని సేవ్ చేస్తారా అన్న ప్ర‌శ్న‌లు త‌లెత్తుతున్నాయి. మోనాల్ హౌజ్‌ని వీడితే అందాల విందు ఎక్క‌డ మిస్ అవుతుందేమోన‌ని ఆమెని త‌ప్ప‌క బిగ్ బాస్‌లో ఉంచుతున్నార‌ని విమ‌ర్శ‌లు వ‌స్తున్నాయి. మ‌రోవైపు నాగార్జున ప్రేక్ష‌కుల ఓట్ల ప్ర‌కార‌మే ఎలిమినేష‌న్ జ‌రుగుతుంద‌ని ఒట్టేసి చెబుతున్నారు. ఏదేమైన ఈ వారం మోనాల్ ఎలిమినేట్ అవుతుంద‌ని అంటుండ‌గా, మళ్లీ ట్విస్ట్ ఇచ్చి మెహ‌బూబ్‌ని బిగ్ బాస్ గ‌డ‌ప దాటిస్తారా చూడాలి