వెంకటేష్ నారప్ప సినిమా నుంచి అభిమానులు ఎదురు చూస్తున్న అప్‌డేట్స్ అంతగా రావడం లేదన్న టాక్ వినిపిస్తోంది. రీమేక్ సినిమాలకి కేరాఫ్ అడ్రస్ గా మారిన వెంకటేష్ మరోసారి తమిళ సూపర్ హిట్ సినిమా అసురన్ రీమేక్ నారప్ప లో నటించిన సంగతి తెలిసిందే. ఎఫ్ 2, వెంకీ మామ లాంటి బ్యాక్ టు బ్యాక్ సూపర్ హిట్స్ తర్వాత వెంకటేష్ నుంచి రాబోయో నారప్ప సినిమా మీద ప్రేక్షకుల్లో మంచి అంచనాలే ఉన్నాయి. శ్రీకాంత్ అడ్డాల దర్శకత్వంలో తెరకెక్కిన ఈ సినిమాలో ప్రియమణి హీరోయిన్ గా నటించింది.
ఈ సినిమాని వి క్రియేషన్స్ – సురేష్ ప్రొడక్షన్స్ బ్యానర్స్ పై సురేష్ బాబు, కలైపులి ఎస్ థాను సంయుక్తంగా నిర్మిస్తున్నారు. మెలోడి బ్రహ్మ మణిశర్మ సంగీతం అందిస్తున్నాడు. అసురన్ రీమేక్ లో వెంకటేష్ ని ఊహించకోవడం కష్టమే అన్న టాక్ ఈ సినిమా ప్రకటించినప్పుడు వచ్చినప్పటికి నారప్ప అన్న టైటిల్ తో పాటు వెంకటేష్ లుక్ ని రిలీజ్ చేయగానే అందరి ఆలోచన మారిపోయింది. వాస్తవంగా ఈ సినిమా ఎప్పుడో రిలీజ్ కావాల్సింది. కాని లాక్ డౌన్ వల్ల ఆగిపోయింది.
అయితే అందరూ ఈ సినిమా సంక్రాంతి పండుగ సీజన్ లో ప్రేక్షకుల ముందుకు వస్తుందని భావించారు. కాని కనీసం టీజర్ కూడా రాకపోవడం అందరినీ షాక్ కి గురి చేసింది. అయితే ప్రస్తుతం ఈ సినిమా పోస్ట్ ప్రొడక్షన్స్ వర్క్ జరుగుతున్నప్పటికి చిత్ర యూనిట్ నుంచి మాత్రం నారప్ప సినిమా కి సంబంధించి ఎలాంటి అప్‌డేట్స్ రావడం లేదు. ఈ విషయంలో కాస్త వెంకీ ఫ్యాన్స్ డిసప్పాయింట్ గా ఉన్నారని చెప్పుకుంటున్నారు. మరి మేకర్స్ ఈ సినిమాని ఎప్పుడు ప్రేక్షకుల ముందుకు తీసుకు వస్తారో చూడాలి. ఇక వెంకీ ప్రస్తుతం ఎఫ్ 3 లో నటిస్తుండగా ఈ సినిమాని విజయదశమి పండుగ సందర్భంగా రిలీజ్ చేసేందుకు సన్నాహాలు జరుగుతున్నాయి.