VD11: ఎలాంటి సినీ బ్యాక్ గ్రౌండ్ లేకుండా ఇండస్ట్రీలోకి అడుగుపెట్టి వరుస సినిమాలతో పాటు పాన్ ఇండియా చిత్రాలతో దూసుకుపోతున్న యంగ్ హీరో విజయ్ దేవరకొండ గురించి ప్రత్యేకంగా చెప్పాల్సిన పనిలేదు.లైగర్ సినిమాతో పాన్ ఇండియా హీరోగా ప్రేక్షకులకు పరిచయం కాబోతున్న ఈ రౌడీ హీరో తన పదకొండవ చిత్రాన్ని కూడా ప్రకటించారు. ఈక్రమంలోనే శివ నిర్వాణ దర్శకత్వంలో మైత్రి మూవీ మేకర్స్ నిర్మాణంలో ఈ సినిమా ఎంతో ప్రతిష్టాత్మకంగా తెరకెక్కుతున్న ఈ సినిమాకి పవన్ కళ్యాణ్ ఖుషి సినిమా టైటిల్ పెట్టనున్నట్లు తెలుస్తోంది.
ఇక ఈ సినిమా ఏప్రిల్ 21వ తేదీ ఎంతో ఘనంగా పూజా కార్యక్రమాలను నిర్వహించనుంది. అయితే ఈ పూజా కార్యక్రమాలలో భాగంగా హీరోయిన్ సమంత హాజరు కాలేదు.అయితే సమంత ఈ సినిమా లాంచింగ్ ఈవెంట్ కి రాకపోవడానికి గల కారణం ఏమిటి అంటూ పెద్దఎత్తున చర్చలు జరుపుతున్నారు. అయితే సమంత ఈ సినిమా లాంచింగ్ ఈవెంట్ కు దూరం అవడానికి గల కారణం ప్రస్తుతం ఆమె దుబాయ్ వెకేషన్ లో ఉండటమే అని తెలుస్తోంది.
యశోద సినిమా షూటింగ్ నిమిత్తం సమంత దుబాయ్ వెళ్లారు. ఇలా దుబాయ్ వెళ్లడంతోనే ఈ సినిమా పూజా కార్యక్రమాలకు హాజరు కాలేకపోయారని తెలుస్తోంది. ఇక విజయ్ దేవరకొండ సమంత కాంబినేషన్లో వచ్చిన మహానటి సినిమాలో వీరిద్దరి జోడి మంచి గుర్తింపు తెచ్చుకుంది.ఈ క్రమంలోనే ఈ విషయాన్ని దృష్టిలో ఉంచుకొని మైత్రి మూవీ మేకర్స్ వీరి కాంబినేషన్లో ఓ సినిమా ప్రేక్షకుల ముందుకు తీసుకురావడానికి సిద్ధమయ్యింది. త్వరలోనే ఈ సినిమా రెగ్యులర్ షూటింగ్ పనులను జరుపుకోనున్నారు.