Bheemla Nayak: వాట్ ఏ ఫర్మామెన్స్… భీమ్లానాయక్ సినిమాపై షాకింగ్ కామెంట్స్ చేసిన మహేశ్ బాబు

Bheemla Nayak: పవర్ స్టార్ పవన్ కల్యాణ్, రానా దగ్గుబాటి కాంబినేషన్‌తో తెరకెక్కిన చిత్రం ‘భీమ్లా నాయక్’. ఎన్నో అవాంతరాలను దాటుకొని విడుదలైన ఈ సినిమా గురించి అందరూ ఇప్పుడు చాలా గొప్పగా చెప్పుకుంటూ తమ అభిమాన హీరోకు పాలాభిషేకాలు చేస్తూ తమ అభిమానాన్ని చాటుకుంటున్నారు. సితార ఎంట‌ర్‌టైన్మెంట్స్ బ్యాన‌ర్‌పై సూర్య దేవ‌ర నాగ వంశీ ఈ చిత్రాన్ని నిర్మించగా, సాగ‌ర్ కె.చంద్ర ద‌ర్శకుడిగాస త్రివిక్రమ్ శ్రీనివాస్ మాట‌లు, స్క్రీన్ ప్లే అందించారు. ఫిబ్రవ‌రి 25న విడుద‌లైన ఈ చిత్రం సూప‌ర్ హిట్ టాక్‌ను సొంతం చేసుకోవ‌డంతో బాక్సాఫీస్ ద‌గ్గర వ‌సూళ్ల సునామీ మొద‌లైంది.

తెలుగు ప్రేక్షకులు ఎప్పుడెప్పుడా అని ఎదురు చూస్తున్న భీమ్లా నాయక్ సినిమాపై ముందు నుంచే భారీ అంచనాలు నెలకొన్న విషయం అందరికీ తెలిసిందే. ఇప్పుడు విడుదలయ్యాక కూడా ఆ అంచనాలకు ఏ మాత్రమూ తీసిపోకుండా ఆడియన్స్‌ నుంచి అదే రెస్పాన్స్‌ను సొంతం చేసుకుంది. బ్లాక్‌బస్టర్ టాక్‌తో ప్రదర్శింపబడుతోన్న ఈ చిత్రాన్ని చూసిన పలువురు పవన్ కల్యాణ్ నటనలో మరోసారి ఫైర్ కనిపించిందంటూ కామెంట్ చేస్తున్నారు.

ఇకపోతే ఈ సినిమాపై మామూలు ప్రేక్షకులు మాత్రమే కాకుండా పలువురు సినీ ప్రముఖులు సైతం తమ అభిప్రాయాన్ని వ్యక్తం చేస్తూ, చిత్ర యూనిట్‌పై ప్రశంసల వర్షం కురిపిస్తున్నారు. ఇక వివరాల్లోకి వస్తే టాలీవుడ్ సూపర్ స్టార్‌ మహేశ్ బాబు కూడా తన స్టైల్‌లో ఈ సినిమాకు ఓ గొప్ప రివ్యూనిచ్చి అందరికీ షాక్‌కు గురిచేశారు. వాటే పెర్ఫార్మెన్స్ అంటూ పవన్ ని పొగడ్తలతో ముంచెత్తిన మహేశ్, “భీమ్లా నాయక్ పాత్రలో నిప్పులు చెరిగే తీవ్రతతో, ఎగిసే జ్వాలలా పవన్ కల్యాణ్ కనిపిస్తే… డేనియల్ శేఖర్‌‌గా రానా సెన్సేషనల్ పెర్ఫార్మెన్స్ అంటూ ఆయన ట్వీట్ చేశారు. ఎప్పట్లాగే త్రివిక్రమ్ శ్రీనివాస్ కలం నుంచి పదునైన డైలాగులు వచ్చాయని, కానీ టీవల కాలంలో త్రివిక్రమ్‌‌కు ఇదే అత్యుత్తమం అని ఆయన తెలిపారు. నాకు నచ్చిన సినిమాటోగ్రాఫర్లలో ఒకడైన రవి కె చంద్రన్ అద్భుతమైన విజువల్స్ ఇచ్చారు. తమన్ సంగీతం మనల్ని వెన్నాడుతుంది, మంత్రముగ్ధుల్ని చేస్తుంది.. యావత్ చిత్రబృందానికి అభినందనలు” అంటూ మహేశ్ బాబు తన అభిప్రాయాన్ని వ్యక్తం చేశారు.