వరుణ్ సందేశ్ భార్య వితికా షెరు, బిగ్‌బాస్ మూడో సీజన్ కంటెస్టెంట్ అయిన వితికా షెరు గురించి అందరికీ తెలిసిందే. బిగ్‌బాస్ షో ద్వారా వితిక పాపులర్ అయింది. కానీ ఆ షో ద్వారానే కాసింత నెగెటివిటీని కూడా మూట గట్టుకుంది. మామూలుగా ఆడవాళ్లకు ఉండే సమస్యే వితికాది కూడా. మనసులో ఏదీ దాచుకోదు. ఎవరికో ఒకరికి చెప్పాలన్న మనస్తత్వం. అదే జనాలకు బ్యాడ్‌గా అనిపించింది. ఆటలో ఒకరి దగ్గర మరొకర విషయాలు చెప్పడంతో వితికకు నెగెటివిటీ పెరిగింది.
ఇక బిగ్ బాస్ షోలో ఉన్పప్పుడు శ్రీముఖితో కొన్ని సందర్భాల్లో తన మనసులోని కోరికను బయటపెట్టింది వితికా. యాంకర్‌గా మారాలని, నిలదొక్కుకోవాలని తనకు కోరిక ఉందని శ్రీముఖి వద్ద వెల్లడించిన సంగతి తెలిసిందే. అందుకే శ్రీముఖితో దగ్గరగా ఉంటోందని కూడా సోషల్ మీడియాలో ట్రోలో చేశారు. అది వేరే విషయమనుకోండి. అయితే తాజాగా తన కోరిక నెరవేరినట్టు కనిపిస్తోంది. యాంకర్‌గా ఎంట్రీ ఇస్తున్నానని తన సంతోషాన్ని సోషల్ మీడియా ద్వారా వ్యక్తం చేసింది.
సామజవరగమన అనే షోకు యాంకర్‌గా వ్యవహరిస్తున్నానని వితిక తెలిపింది. ఇక్కడి వరకు బాగానే ఉంది. అయితే ఆమె చెప్పిన విషయానికి షేర్ చేసిన ఫోటోకు మాత్రం ఎక్కడా సంబంధం లేదు ఫుల్లు హాట్‌గా ఉన్న వితిక మిర్రర్ సెల్ఫీ తీసుకుంటూ సామజవరగమన అనే షో గురించి చెప్పడంతో అందరూ షాక్ అవుతున్నారు. ఏది ఏమైనా వితికలో కూడా ఇంత హాట్ నెస్ దాగి ఉందా? అని నెటిజన్లు ఖంగుతింటున్నారు. వితికను అలా చూసి అందరూ ఫిదా అవుతున్నారు.