Vijay : ఈ మధ్య దక్షిణాది పాటలు ప్రపంచవ్యాప్తంగా క్రేజ్ సంపాదించుకుంటున్నాయి. మొన్నటి పుష్ప ఫీవర్లో మునిగి తేలిన జనం ఇపుడు అరబిక్ కుతు వెంటపడ్డారు. ప్రేమికుల రోజు సందర్బంగా బీస్ట్ సినిమాలోని ఈ పాట లిరికల్ వీడియోను విడుదల చేసారు చిత్ర యూనిట్. విడుదలైన రోజునుండి ఎప్పటికి అత్యధిక వ్యూస్ అందుకుంటూ రికార్డులు సృష్టిస్తుంది. ఈ పాటకు దళపతి విజయ్ తో పాటూ బుట్టబొమ్మ వేసిన స్టెప్పులిప్పుడు ఫుల్ వైరల్ గా మారాయి.
అంతేకాదు షరా మామూలుగా వ్యూస్, లైక్స్ రికార్డ్స్ తో.. హలమితి హబిబో.. ఓ వైపు దుమ్ము రేపుతుంటే.. ఇక మరో పక్క సాధారణ జనం నుంచి సెలెబ్రిటీస్ వరకు ఈ పాట రీల్స్ తో రచ్చ రచ్చ చేస్తున్నారు. ఇకపోతే తాజాగా హలమితి హబిబో అంటూ డాన్సులు చేసారు రష్మిక మందన, బాలీవుడ్ నటుడు వరుణ్ దావన్ . అయితే కోలీవుడ్ క్రేజీ మ్యూజిక్ డైరెక్టర్ అనిరుథ్ రవిచంద్రన్ కంపోజ్ చేసిన ఈ పాటకు హీరో శివకార్తికేయన్ లిరిక్స్ అందించడం ఓ స్పెషాలిటీ. కాగా ఈ పాట రిలీజైన 23 రోజుల్లోనే 150 మిలియన్ వ్యూస్ సొంతం చేసుకుంది. అంతేకాదు సౌత్ ఇండియాలోనే అత్యంత వేగంగా ఇన్ని వ్యూస్ సాధించిన సాంగ్‌గా అరబిక్ కుతు రికార్డుల్లోకి ఎక్కింది.
అంతేకాకుండా తాజాగా 4.4 మిలియన్ల లైక్స్‌ని కూడా ఈ సాంగ్ సాధించింది. అయితే ఈ పాట 48 గంటల్లోనే గ్లోబల్ టాప్ సాంగ్స్ లిస్ట్ లో కూడా ప్లేస్ దక్కించుకున్న ఈ పాట సో సేమ్ టైమ్ అటు కామన్ పీపుల్ నుంచి క్రేజీ సెలబ్రిటీస్ వరకు ఈ సాంగ్ రీల్స్ తో సోషల్ మీడియాను హీటెక్కిస్తున్నారు. ఇక ఇదిలా ఉంటే ఈ సినిమా నుంచి అతి త్వరలోనే ట్రైలర్ ని విడుదల చేయాలని సన్నాహాలు చేస్తున్నారు. ఇక సన్ పిక్చర్స్ నిర్మిస్తున్న ఈ సినిమా తమిళం తో పాటు తెలుగులో కూడా విడుదల కానుంది..!!