ఇద్దరు స్టార్ హీరోలని ఒకే ఫ్రేమ్లో చూడటం అనేది అభిమానులకి కన్నుల పండుగగా ఉంటుంది. అయితే చాలా తక్కువ సందర్భాల్లో అలా జరుగుతూ ఉంటుంది. అభిమానుల ఆకలి తీర్చేలా ఇద్దరు స్టార్ హీరోలు ఒకే ఫ్రేమ్లో కనిపించబోతున్నారు. ఆ విశేషాలు ఏమిటో చూద్దాం. ఆహా ఓటీటీ లో వస్తున్న అన్ స్టాపుల్ షో కి బాలకృష్ణ హోస్ట్గా వ్యవహరిస్తున్న సంగతి అందరికీ తెలిసిందే.
ఇప్పటికే సక్సెస్ఫుల్గా మూడు సీజన్లు కంప్లీట్ చేసుకున్న ఈ షో ఇప్పుడు నాలుగవ సీజన్ నడుస్తోంది. ఈ సీజన్లో ఇప్పటికే అల్లు అర్జున్, సూర్య, దుల్కర్ సల్మాన్, శ్రీలీల, నవీన్ పోలిశెట్టి వంటి వారు ఈ స్టేజి పై సందడి చేశారు. ఇప్పుడు విక్టరీ వెంకటేష్ బాలయ్యతో కలిపి ఈ స్టేజ్ పై సందడి చేయబోతున్నారు. సంక్రాంతికి వస్తున్నాం సినిమాతో సంక్రాంతికి వెంకటేష్ టీం మన ముందుకు వస్తున్న సంగతి తెలిసిందే.
ఆ సినిమా ప్రమోషన్స్ లో భాగంగా అనుష్టాపబుల్ షో కి వచ్చాడు వెంకటేష్. తాజాగా ఈ ఎపిసోడ్ కి సంబంధించిన రిలీజ్ డేట్ ని అఫీషియల్ గా అనౌన్స్ చేశారు ఆహా టీం. డిసెంబర్ 27 రాత్రి 7 గంటల నుంచి ఆహా ఓటీటీ లో ఈ ఎపిసోడ్ స్ట్రీమింగ్ కాబోతుంది అంటూ గ్లింమ్స్ ని రిలీజ్ చేశారు. ఇందులో బాలకృష్ణ స్టైల్ లో వెంకటేష్ తొడ కొడుతూ కనిపిస్తే మరోవైపు వెంకటేష్ స్టైల్ ని బాలకృష్ణ ఫాలో అవుతూ కనిపించారు. ఈ గ్లింప్స్ చూసిన ఫ్యాన్స్ కి పూనకాలు వచ్చేసాయి.
నెవర్ బిఫోర్ ఎవర్ ఆఫ్టర్ అంటూ సోషల్ మీడియాలో కామెంట్స్ మీద కామెంట్స్ చేస్తున్నారు ఇద్దరు స్టార్ హీరోల అభిమానులు. అయితే ఈ ఇద్దరు స్టార్ హీరోల మధ్యన ఈ సంవత్సరం గట్టి పోటీ ఉండబోతుంది. సంక్రాంతికి వస్తున్నాం సినిమాతో జనవరి 14న వెంకటేష్ థియేటర్లలోకి వస్తుంటే డాకు మహారాజుగా జనవరి 12న థియేటర్లలోకి రాబోతున్నాడు బాలకృష్ణ. అప్పుడు చూడాలి ఫ్యాన్ వార్ ఎలా ఉంటుందో.
