అభిమానులు తమ హీరోలు ప్రస్తుతం చేస్తోన్న సినిమాలకి సంబందించి అప్డేట్స్ కావాలని సోషల్ మీడియాలో నిత్యం పోస్టులు పెడుతూ ఉంటారు. ఇక సినిమా నుంచి వచ్చే ప్రతి అప్డేట్ మూవీపై అంచనాలు పెంచే విధంగా ఉండాలని దర్శక, నిర్మాతలు ఆలోచిస్తూ ఉంటారు. అందుకు తగ్గట్లుగానే ప్లాన్ చేస్తారు. ప్రతి నెల స్టార్ హీరోల చిత్రాల నుంచి ఏదో ఒక అప్డేట్ వస్తూ ట్విట్టర్ లో ట్రెండ్ అవుతూ ఉంటుంది.
ప్రస్తుతం ట్విట్టర్ లో ఆదిపురుష్ మూవీ ట్రైలర్ ట్రెండింగ్ లో ఉన్న సంగతి తెలిసిందే. ఇదిలా ఉంటే టాలీవుడ్ నుంచి ఈ నెలలో ఇంటరెస్టింగ్ అప్డేట్స్ ప్రేక్షకుల ముందుకి రాబోతున్నాయి. అవన్నీ కూడా స్టార్ హీరోల చిత్రాల నుంచే కావడం విశేషం. మే 11న పవర్ స్టార్ పవన్ కళ్యాణ్ ఉస్తాద్ భగత్ సింగ్ ఫస్ట్ గ్లింప్స్ ని హరీష్ శంకర్ లాంచ్ చేయనున్నాడు.
దీని తర్వాత వచ్చే వారంలో పవన్ కళ్యాణ్, సాయి ధరమ్ తేజ్ కాంబినేషన్ లో సముద్రఖని దర్శకత్వంలో తెరకెక్కిన సినిమా టైటిల్ ఎనౌన్స్ చేయనున్నారు. రామ్ పోతినేని, బోయపాటి కాంబినేషన్ లో తెరకెక్కుతోన్న పాన్ ఇండియా మూవీ టీజర్ మే 15న లాంచ్ కానుంది. అలాగే జూనియర్ ఎన్టీఆర్ కొరటాల శివ దర్శకత్వంలో చేస్తోన్న ఎన్టీఆర్ 30 టైటిల్ పోస్టర్ మే 20న తారక్ పుట్టిన రోజు సందర్భంగా రిలీజ్ చేయనున్నట్లు తెలుస్తోంది.
మే 31న సూపర్ స్టార్ కృష్ణ జయంతి సందర్భంగా త్రివిక్రమ్ దర్శకత్వంలో మహేష్ బాబు చేస్తోన్న మూవీ టైటిల్ ని ఎనౌన్స్ చేసే అవకాశం ఉందని టాక్ వినిపిస్తోంది. పవర్ స్టార్ పవన్ కళ్యాణ్, జూనియర్ ఎన్టీఅర్, సూపర్ స్టార్ మహేష్ బాబు ముగ్గురు టాప్ స్టార్స్ గా ఉన్నవారే. వీరి సినిమాలకి సంబందించిన అప్డేట్స్ అంటే ఫ్యాన్స్ కి పండగే అని చెప్పాలి.
మొత్తానికి మే నెలలో పాన్ ఇండియా లెవల్ సినిమాలు ఏవీ రిలీజ్ కాకపోయిన టాలీవుడ్ లో ఫ్యాన్స్ సెలబ్రేట్ చేసుకోవడానికి కావాల్సిన స్టార్ హీరోల సినిమాలకి సంబందించిన అప్డేట్స్ మాత్రం దర్శక, నిర్మాతలు ప్లాన్ చేస్తూ ఉండటం విశేషం.