లేటెస్ట్ గా తెలుగు ఇండస్ట్రీ నుంచి వస్తున్న పలు భారీ మల్టీ స్టారర్ చిత్రాల్లో తెలుగు సినిమా దిగ్గజ హీరో మెగాస్టార్ చిరంజీవి అలాగే బాలీవుడ్ సినిమా నుంచి బిగ్ స్టార్ సల్మాన్ ఖాన్ హీరోలుగా నటిస్తున్న “గాడ్ ఫాదర్” కూడా ఒకటి.
దర్శకుడు మోహన్ రాజా తెరకెక్కిస్తున్న ఈ సినిమా షూటింగ్ దాదాపు పూర్తి కాగా రీసెంట్ గా మెగాస్టార్ బర్త్ డే కి వచ్చిన టీజర్ తో ఈ సినిమాపై అంచనాలు మరింత స్థాయిలో పెరిగాయి. అయితే టీజర్ తో అంచనాలు పెరిగాయి అంతా బాగానే ఉంది కానీ ఈ సినిమా సంగీత దర్శకుడు థమన్ మాత్రం మళ్ళీ కాపీ ట్యూన్ తో దొరికిపోవడం ఈ సినిమా ట్రోల్స్ లోకి వెళ్ళడానికి దారి తీసింది.
ఈ సినిమా టీజర్ చూసిన వెంటనే ఆ బ్యాక్గ్రౌండ్ స్కోర్ ఎక్కడో విన్నట్టే ఉందే… అని అనిపిస్తుంది. ఇక సీన్ కట్ చేస్తే ఆ ట్యూన్ కాస్తా థమన్ ఇది వరకే మరో మెగా హీరో వరుణ్ తేజ్ సినిమా “గని” టైటిల్ సాంగ్ కొట్టిన ట్యూన్ ని ఒకటే రిథమ్ లో లిరిక్స్ మార్చి దింపేసాడు.
దీనితో మళ్ళీ థమన్ పై ట్రోల్స్ పడుతున్నాయి. ఈ రకంగా గాడ్ ఫాదర్ ట్రోల్స్ లో ఇరుక్కున్నాడు. ఇక ఈ సినిమాలో అయితే నయనతార హీరోయిన్ గా నటించగా రామ్ చరణ్ మరియు సూపర్ గుడ్ ఫిల్మ్స్ వారు నిర్మాణం వహించారు. అలాగే ఈ అక్టోబర్ 5న ఈ సినిమా రిలీజ్ కాబోతుంది.