పవన్ కళ్యాణ్ సెట్స్‌పైకి రావడం మాట అటుంచితే.. వరుసగా సినిమాలను కమిట్ అవుతూ అందర్నీ ఆశ్చర్యపరుస్తున్నాడు. వకీల్ సాబ్ చిత్రమే ఇంకా పూర్తి కాలేదు. కానీ క్రిష్ సినిమా ఎప్పుడో ఫిక్స్ అయి లైన్‌లో ఉంది. ఆ తరువాత వెంటనే హరిష్ శంకర్ సినిమా ట్రాకు ఎక్కి ఉంది. ఈ మధ్యే బండ్ల గణేష్‌ కూడా కర్చీప్ వేసినట్టు ప్రకటించాడు. ఇలా వరుసగా చిత్రాలు ప్రకటిస్తోన్న పవన్ తాజాగా దసరా కానుకగా మరో మూవీని అనౌన్స్ చేశారు.
సాగర్ కే చంద్ర తెరకెక్కించబోతోన్న ఈ మూవీ మలయాలీ చిత్రమైన ‘అయ్య‌ప్ప‌యుమ్ కోషియ‌మ్‌’కి రీమేక్ అని తెలుస్తోంది. అయితే ఇది వరకు ఈ మూవీ మీద రకరకాల పుకార్లు వచ్చాయి. మొత్తానికి పవన్ కళ్యాణ్ దగ్గరకు ఈ మూవీ వెళ్లింది. దానికి ప్రధాన కారణం కూడా త్రివిక్రమేనట. ‘అయ్య‌ప్ప‌యుమ్ కోషియ‌మ్‌’ హక్కులను సితార ఎంటర్టైన్మెంట్ దక్కించుకుంది. ఆ తరువాత ఏవేవో ప్రయత్నాలు చేసింది.
చివరకు ఈ మూవీని త్రివిక్రమ్ పవన్ కళ్యాణ్‌కు చూపించడం. ఓకే అనడం అంతా జరిగిపోయింది. అయితే ఈ మూవీని త్రివిక్రమ్ తెరకెక్కించాలని పవన్ అడిగాడట. కానీ త్రివిక్రమ మాత్రం నో చెప్పాడట. ప్రస్తుతం ఎన్టీఆర్ సినిమాకు సంబంధించిన స్క్రిప్ట్ పనుల్లో బిజీగా ఉండటం, పైగా పవన్ కోసం సపరేట్‌గా మరో కథ రెడీగా ఉండటంతో ఈ రీమేక్‌కు నో చెప్పాడట. మొదటి నుంచి ఈ రీమేక్‌కు సంబంధించిన స్క్రిప్ట్‌ను సాగర్ కే చంద్ర చూస్తుండటంతో ఆయనే ఆ దర్శకత్వ బాధ్యతలను అప్పగించారట. ఇలా మొత్తానికి అఫీషియల్ ప్రకటన వచ్చే ముందు చాలా తతంగమే నడిచిందట.