మాటల మాంత్రీకుడు త్రివిక్రం శ్రీనివాస్ – యంగ్ టైగర్ ఎన్.టి.ఆర్ కాంబినేషన్‌లో ఒక సినిమా తెరక్కడానికి సన్నాహాలు జరుగుతున్న సంగతి తెలిసిందే. అరవింద సమేత వీర రాఘవ తో ఈ ఇద్దరు మంచి కమర్షియల్ హిట్ ని అందుకున్నారు. దాంతో మరోసారి ఈ కాంబినేషన్ రిపీటవుతుండటం తో నందమూరి అభిమానుల్లోనే కాదు ప్రేక్షకులందరిలోను భారీ అంచనాలు ఏర్పడ్డాయి. ఇక ఈ సినిమా ఎన్.టి.ఆర్ కెరీర్ లో తెరకెక్కబోయో 30 వ సినిమా కావడం కూడా విశేషం.
అందుకు తగ్గట్టుగానే త్రివిక్రం ఎన్.టి.ఆర్ కోసం యూనివర్సల్ పాయింట్ తో స్క్రిప్ట్ రెడీ చేస్తున్నాడట. ఇక ఈ సినిమాని హారిక అండ్ హాసిని, ఎన్.టి.ఆర్ ఆర్ట్స్ పతాకాలపై రాధాకృష్ణ – కళ్యాణ్ రాం సంయుక్తంగా నిర్మిస్తున్నారు. ప్రస్తుతం ఎన్.టి.ఆర్.. రాజమౌళి దర్శకత్వంలో ఆర్ ఆర్ ఆర్ చేస్తున్న సంగతి తెలిసిందే. ఇటీవలే ఈ సినిమా నుంచి రిలీజైన రామరాజు ఫర్ భీం సినిమా మీద భారీ అంచనాలని నెలకొల్పింది. కాగా ఈ సినిమా శరవేగంగా షూటింగ్ జరుగుతోంది.
ఆర్ ఆర్ ఆర్ లో ఎన్.టి.ఆర్ మీద జరిగే చిత్రీకరణ 2021 ఫిబ్రవరి వరకు కంప్లీటవుతుందని సమాచారం. అందుకే ఫిబ్రవరి నుంచి త్రివిక్రం సినిమా మొదలు పెట్టాలని భావిస్తున్నాడట.
అయితే ఇప్పుడు త్రివిక్రం ఒక కన్‌ఫ్యూజన్ లో ఉన్నట్టు వార్తలు వస్తున్నాయి. ఈ సినిమాలో ఎన్.టి.ఆర్ కి జంటగా ఏ హీరోయిన్ ని తీసుకోవాలన్నది పెద్ద డైలమాగా ఉందట. ప్రస్తుతం టాలీవుడ్ లో కీర్తి సురేష్ – పూజా హెగ్డే ఇద్దరూ టాప్ హీరోయిన్స్. ఇద్దరికి ప్రేక్షకుల్లో విపరీతమైన క్రేజ్ ఉంది. కాగా ఇప్పటికే కీర్తి సురేష్ – పూజా హెగ్డే త్రివిక్రం దర్శకత్వంలో నటించారు.
కాని ఎన్.టి.ఆర్ తో పూజా హెగ్డే నటించింది.. తప్ప కీర్తి సురేష్ నటించలేదు. ఈ కారణంగా అందరూ కీర్తి సురేష్ అయితే బావుటుందన్న అభిప్రాయాలని వ్యక్తం చేస్తున్నారట. ఇద్దరికి త్రివిక్రం అంటే అభిమానం .. గౌరవం ఉంది. మరి ఎవరి ఈ సినిమాలో ఛాన్స్ ఇస్తాడో చూడాలి.