రాహుల్‌ రవీంద్రన్‌ తాజాగా రష్మికను గర్ల్‌ ఫ్రెండ్‌గా చూపించాడు. గర్ల్‌ ఫ్రెండ్‌ టీజర్‌లో రష్మిక చాలా కొత్తగా, పాజిటివ్‌గా కనిపించింది. రష్మిక చాలా సటిల్డ్‌గా కనిపించింది. చాలా వరకు ఆమె అల్లరి చేసే పాత్రలు, చిన్న పిల్లల్లా ఎక్స్‌ ట్రాలు చేసే కారెక్టర్లనే పోషించింది. కానీ ఓ హుందాతనం ప్రదర్శించి, సైలెంట్‌గానే ప్రభావం చూపించే పాత్రలను పోషించలేదు. కానీ ఈ గర్ల్‌ ఫ్రెండ్‌ పాత్ర అలాంటిదే అనిపిస్తోంది. రష్మికపై రాహుల్‌ వేసిన ట్వీట్‌ ఇప్పుడు వైరల్‌ అవుతోంది.
రష్మిక ప్రస్తుతం నేషనల్‌ వైడ్‌గా హాట్‌ టాపిక్‌ అయిన సంగతి తెలిసిందే. పుష్ప 2లో ఆమె నటన కొందరికి నచ్చలేదు. మరి కొందరికి చాలా నచ్చింది. రష్మిక యాక్టింగ్‌ మీద ఎప్పుడూ భిన్న రకాలుగా కామెంట్లు వస్తూనే ఉంటాయి. ఇక పుష్ప 2లో కొన్ని సీన్లు బాగా లేవని, ఇంకొన్ని సీన్లలో రష్మిక నిజంగానే బాగా యాక్ట్‌ చేసిందని అంటున్నారు. అలా యానిమల్‌, పుష్ప 2 చిత్రాలతో నేషనల్‌ వైడ్‌గా రష్మిక అందరినీ ఆకట్టుకునే ప్రయత్నం అయితే చేసింది.
ఇప్పుడు రష్మిక గర్ల్‌ ఫ్రెండ్‌ అంటూ అందరినీ పలకరించింది.గర్ల్‌ ఫ్రెండ్‌ టీజర్‌ను విజయ్‌ దేవరకొండ రిలీజ్‌ చేశారు. కేవలం రిలీజ్‌ చేయడమే కాకుండా టీజర్‌కు వాయిస్‌ ఓవర్‌ కూడా ఇచ్చాడు. ఇక విజయ్‌ వాయిస్‌ ఓవర్‌లో చెప్పిన కవిత్వం, రష్మిక పరిచయం అదిరిపోయింది. రష్మిక చాలా కామ్‌గా కనిపిస్తూనే చాలానే ఇంపాక్ట్‌ క్రియేట్‌ చేసింది. రష్మిక ఇంత సైలెంట్‌గా ఉండి.. ప్రభావం చూపించిన సీన్లు ఇవే అయి ఉంటాయి. ఎప్పుడూ వాగుతూ కనిపించే రష్మికకు ఇలాంటి ఓ డిఫరెంట్‌ పాత్రను రాహుల్‌ ఇచ్చాడు. రాహుల్‌ తీసిన చిలసౌ క్లాస్‌ ఆడియెన్స్‌ను తెగ ఆకట్టుకుంది. ఆ ఒక్క మూవీతో అటు రుహానీ, ఇటు సుశాంత్‌ కెరీర్‌లు ఊపందుకున్నాయి. దర్శకుడిగా, రైటర్‌గా రాహుల్‌కు మంచి పేరుని తీసుకొచ్చింది.
కానీ తరువాత చేసిన మన్మథుడు 2 చిత్రం దారుణంగా విమర్శల్ని ఎదుర్కొంది. అందుకే రాహుల్‌ మళ్లీ చాలా గ్యాప్‌ తీసుకున్నాడు. తన స్టైల్లో ఓ డిఫరెంట్‌ లవ్‌ స్టోరీని రూపొందించాడనిపిస్తోంది. ఈ క్రమంలో గర్ల్‌ ఫ్రెండ్‌ సినిమాలో రష్మిక నటన, ఆమె అప్పియరెన్స్‌ గురించి మాట్లాడాడు. ఆమెను ట్యాగ్‌ చేసి ఈ ట్వీట్‌ వేయడం లేదు.. అలా చేస్తే ఏదో హైప్‌ చేసేందుకు వేసినట్టు అవుతుంది.. ఆమెలో ఏదో తెలియని శక్తి ఉంది.. అదే ఆమెను ఇంతలా వెలిగేలా చేస్తోంది.. ఆమె నటన, ఆమె యాటిట్యూడ్‌ ఇలా అన్నీ కూడా ఆమెతో పని చేసే దర్శకులకు ఓ వరం అంటూ రాహుల్‌ రవీంద్రన్‌ ట్వీట్‌ వేశాడు.