దేశం మొత్తం అందరూ ఎదురు చూస్తున్న సినిమా పుష్ప 2. ఈ సినిమా డిసెంబర్ 5వ తేదీన విడుదల కాబోతుంది. దాంతో సినిమాకి సంబంధించిన ప్రమోషన్స్ జోరు పెంచింది మూవీ టీం.ఇందులో భాగంగానే నవంబర్ 24న సినిమా వైల్డ్ ఫైర్ ఈవెంట్ చెన్నైలో గ్రాండ్ గా నిర్వహించారు మూవీ టీం ఈవెంట్ కి మూవీ టీం మొత్తం హాజరైంది. అయితే గత కొద్ది రోజులుగా పుష్ప 2 సినిమా మ్యూజిక్ కి సంబంధించిన వివాదం గురించి అందరికీ తెలిసిందే.
సినిమాకి మ్యూజిక్ డైరెక్టర్ గా దేవి శ్రీ ప్రసాద్ పనిచేసినప్పటికీ అతనితోపాటు తమన్, అజనీష్ మరికొందరు కూడా మ్యూజిక్ ఇచ్చారని తెలుస్తుంది. తమన్ ఈ విషయాన్ని స్పష్టం చేస్తూ నేను కూడా పుష్ప 2 కి పనిచేశాను అని చెప్పటం గమనార్హం. నిజానికి ఇలా చేయటం దేవి శ్రీ ప్రసాద్ కి జరిగిన అవమానం అనే చెప్పుకోవాలి. అయినా దేవి శ్రీ ప్రసాద్ ఇప్పటివరకు ఈ విషయంపై పెదవి విప్పలేదు.
అయితే నిన్న జరిగిన ఈవెంట్లో స్టేజ్ మీద తన ఆవేశన్నంతా వెళ్లగక్కాడు. నవ్వుతూనే నిర్మాతలపై ఫైర్ అయ్యాడు. ఈ ఈవెంట్లో దేవి శ్రీ ప్రసాద్ మాట్లాడుతూ మనకి ఏది కావాలన్నా సరే అడిగి తీసుకోవాలి, నిర్మాతలు ఇచ్చే రెమ్యూనరేషన్ అయినా క్రెడిట్ అయినా. అడగకపోతే ఎవరూ ఏది ఇవ్వరు. రవిశంకర్ సార్ నేను స్టేజ్ పై ఎక్కువ టైం తీసుకుంటున్నాను అని అనొద్దు. నేను సమయానికి పాట ఇవ్వలేదు, బ్యాక్ గ్రౌండ్ మ్యూజిక్ ఇవ్వలేదు, టైమ్ కి ప్రోగ్రాం కి రాలేదు అంటారు.
మీకు నా మీద చాలా ప్రేమ ఉంది కానీ కంప్లైంట్స్ కూడా ఎక్కువగానే ఉన్నాయి. ఇక్కడికి వచ్చేటప్పుడు కూడా రాంగ్ టైమింగ్ అన్నారు ఇలాంటివి పర్సనల్గా అడిగితే కిక్ ఉండదు. ఇలా ఓపెన్ గా మాట్లాడుకుంటేనే బాగుంటుంది అంటూ నవ్వుతూనే నిర్మాతలపై అయ్యాడు. ఇలా పబ్లిక్ గా దేవి శ్రీ ప్రసాద్ తన ఆవేశాన్ని బయటపెట్టాడంటే అతను ఎంత ప్రెజర్ అనుభవించి ఉంటాడో అంటున్నారు అతని ఫ్యాన్స్. మరి దీనిపై సదరు నిర్మాతలు ఎలా రియాక్ట్ అవుతారో చూడాలి.
