The Kashmir files : ఏమాత్రం అంచనాలు లేకుండా విడుదలయి బాలీవుడ్ ను షేక్ చేస్తున్న సినిమా కాశ్మీర్ ఫైల్స్. ఈ సినిమా గురించి తోలుత ఆ మాత్రం ప్రచారం కానీ అర్భాటాలు కానీ లేవు. కానీ చినుకులా వచ్చి ఈ సినిమా సునామినే సృష్టించింది.ఆర్ఆర్ఆర్ లాంటి బలమైన సినిమా ముందు అన్ని సినిమాలు తోక ముడిచిన ఈ సినిమా మాత్రం ఆర్ఆర్ఆర్ ను ఎదుర్కొని నిలబడింది.
స్వయంగా భారత ప్రధాని ఈ సినిమాను బాగుందని మెచ్చుకోవడం, పలు రాష్ట్రాలు ఈ సినిమాకు టాక్స్ ఫ్రీ వెసులుబాటు ఇవ్వడం వంటివి సినిమా అందరికి చేరువవ్వడానికి దోహదం చేసాయి. ఇక ఈ సినిమా కాశ్మీరి పండితుల ఊచకోతకు సంబంధించిన కథ. ఈ కథను ఎలాంటి కాల్పనికత జోడించకుండా చూపించడం ప్రేక్షకులను ఆకట్టుకుంది.వివేక్ రంజన్ అగ్నిహోత్రి దర్శకత్వం వహించిన “ది కాశ్మీర్ ఫైల్స్” మార్చి 11న థియేటర్‌లో రిలీజ్ అయ్యి బాక్సాఫీస్ వద్ద సరికొత్త రికార్డులు సృష్టిస్తోంది.
తాజాగా ఇప్పుడు ఈ చిత్రాన్ని ఏప్రిల్ 28, 2022న ఇజ్రాయెల్‌లో విడుదల చేయనున్నట్టు దర్శకుడు సోషల్ మీడియా ద్వారా ప్రకటించాడు. ది కాశ్మీరి ఫైల్స్ పోస్టర్‌ని ఆవిష్కరించడానికి మా స్టూడియోకి వచ్చినందుకు కాన్సుల్ జనరల్ కొబ్బి శోషానికి ధన్యవాదాలు అంటూ కాప్షన్ కూడా ఇచ్చారు. చిన్న బడ్జెట్‌తో తెరకెక్కిన ఈ సినిమా బాక్సాఫీస్ వద్ద 250 కోట్లకు పైగా వసూలు చేసి రికార్డులను సృష్టించింది. అనుపమ్ ఖేర్, మిథున్ చక్రవర్తి, దర్శన్ కుమార్ అండ్ పల్లవి జోషి ముఖ్యమైన పాత్రలు పోషించారు. అభిషేక్ అగర్వాల్ ఈ సినిమాని నిర్మించారు.