అందరూ ఊహించినట్లుగా పవన్ కళ్యాణ్ ముందు ఓ జి సినిమా షూటింగ్ కంప్లీట్ చేస్తారు అనుకుంటే అందరి అంచనాలను తలకిందులు చేస్తూ ఆయన ముందుగా హరిహర వీరమల్లు సినిమాని పూర్తి చేయబోతున్న విషయం తెలిసిందే. రెండు భాగాలుగా తెరకెక్కుతున్న ఈ సినిమా 2025 మార్చి 28న వరల్డ్ వైడ్ గా విడుదల కాబోతుంది. పవన్ కళ్యాణ్ సినీ జీవితంలో ఇది మొట్టమొదటి పీరియాడికల్ యాక్షన్ డ్రామా మూవీ. ఈ సినిమా ప్రేక్షకులకు ఒక ప్రత్యేకమైన అనుభూతి ని అందించాలని ఉద్దేశంతో అత్యున్నత నిర్మాణ ప్రమాణాలతో తెరకెక్కిస్తున్నారు.
ఇటీవల హాలీవుడ్ దిగ్గజ యాక్షన్ దర్శకుడు నిక్ పావెల్ ఆధ్వర్యంలో భారీ యుద్ధ సన్నివేశాలని చిత్రీకరించింది మూవీ టీం. పవన్ కళ్యాణ్ తో పాటు 400 నుంచి 500 మంది ఈ యుద్ధ సన్నివేశంలో పాల్గొన్నారు. ఈ సినిమా పార్ట్ 1 స్వార్డ్ వర్సెస్ స్పిరిట్ చిత్రానికి సంబంధించి తాజాగా నిర్మాతలు కీలక విషయాన్ని పంచుకున్నారు. సినిమా చిత్రీకరణ తుది దశకు చేరుకుందని,ఈ వారాంతంలో విజయవాడలో ఆఖరి షెడ్యూల్ ప్రారంభం కాబోతుందని చెప్పుకొచ్చారు.
సినిమాకి అత్యంత కీలకమైన ఈ షెడ్యూల్ లో భారీ సన్నివేశాలను చిత్రీకరించబోతున్నారు ఇందులో పవన్ కళ్యాణ్ తో పాటు 200 మంది ఆర్టిస్టులు పాల్గొనబోతున్నారు. ఈ షెడ్యూల్ తో సినిమా చిత్రీకరణ మొత్తం పూర్తవుతుందని తెలిపారు. ఈ సినిమాలో అనిమల్ ఫేమ్ బాబి డియోల్ కీలక పాత్ర పోషిస్తుండగా ఇమ్రాన్ హష్మీ విలన్ గా నటిస్తున్నాడు నిధి అగర్వాల్ హీరోయిన్గా నటిస్తుంది.
అనుపమ కేర్, నాజర్, రఘుబాబు తదితరులు కీలకపాత్రలు పోషిస్తున్నారు. ఈ సినిమాకి కీరవాణి సంగీతం అందిస్తుండగా మనోజ్ పరమహంస సినిమాటోగ్రఫీ చేస్తున్నారు. లెజెండరీ కళా దర్శకుడు తోట తరణి అద్భుతమైన సెట్స్ ఈ సినిమా కోసం రూపొందించాడు. ఈ సినిమాకి విఎఫ్ఎక్స్ సూపర్వైజర్ బాహుబలి ఫేమ్ శ్రీనివాస్ మోహన్ పని చేస్తున్నారు. ఏ మ్ రత్నం సమర్పణలో మెగా సూర్య ప్రొడక్షన్స్ పతాకంపై ఏ దయాకర్ రావు భారీ బడ్జెట్ తో ఈ సినిమాని నిర్మిస్తున్నారు.