సోలో బతుకే సో బెటర్ ఫేమ్ సుబ్బు మంగాదేవి దర్శకత్వంలో అల్లరి నరేష్ హీరోగా అమృత అయ్యర్ హీరోయిన్ గా నటిస్తున్న సినిమా బచ్చలమల్లి. హాస్య మూవీస్ బ్యానర్ పై దండ రాజేష్, బాలాజీ గుప్త నిర్మించిన ఈ చిత్రం డిసెంబర్ 20న ప్రపంచవ్యాప్తంగా థియేటర్లలోకి రాబోతుంది. ఇప్పటికే ఈ సినిమా నుంచి విడుదలైన ఫస్ట్ లుక్, బర్త్ డే స్పెషల్ గ్లింప్స్, ఫస్ట్ గ్లింప్స్ కి అద్భుతమైన రెస్పాన్స్ వచ్చింది.
సినిమా విడుదల కి ఇంకా ఒక నెల మాత్రమే టైం ఉండటంతో మేకర్స్ నెక్స్ట్ ప్రమోషన్ యాక్టివిటీస్ ని ప్రారంభించారు. అందులో భాగంగానే రెండవ సింగిల్ ని రిలీజ్ చేశారు మూవీ టీం. అదే నేను అసలు నేను అంటూ సాగే ఈ పాట ఒక రొమాంటిక్ మెలోడీ. ఈ పాటను ప్రముఖ సంగీత దర్శకుడు తమన్ విడుదల చేశారు. ఈ సాంగ్ కి కృష్ణకాంత్ సాహిత్యం అందించగా ఎస్పీ చరణ్, రమ్య బెహరా పాడారు. విశాల్ చంద్రశేఖర్ ఈ సినిమాకి అద్భుతమైన సంగీతాన్ని అందించారు.
ప్రస్తుతం ఈ పాట యూట్యూబ్లో దూసుకుపోతుంది. నాంది సినిమా తర్వాత అల్లరి నరేష్ కామెడీ జోనర్ కు కట్టుబడి ఉండకుండా సీరియస్ పాత్రలు సైతం చేస్తూ దూసుకుపోతున్నాడు. ఇక సినిమా లో అల్లరి నరేష్ మాస్ యాక్షన్ సినిమాని నెక్స్ట్ లెవెల్ కి తీసుకువెళుతుందని చిత్ర యూనిట్ కాన్ఫిడెంట్గా చెబుతున్నారు.
అంతేకాకుండా ఈ సినిమా రిలీజ్ డేట్ పోస్టర్లో అల్లరి నరేష్ మాస్ లుక్ కూడా ప్రేక్షకులని కట్టిపడేసింది. రగడ లుక్ లో అల్లరి నరేష్ సినిమాపై అంచనాలను పెంచేస్తున్నాడు. సిగరెట్ తాగుతూ సీరియస్ మూడ్ లో ఉన్న అల్లరి నరేష్ స్టిల్ సోషల్ మీడియాలో వైరల్ అవుతుంది. నిజానికి డిసెంబర్ 20వ తేదీన నాగచైతన్య మూవీ తండేల్ విడుదల కావాల్సి ఉంది కానీ ఆ సినిమా ఫిబ్రవరి 7కి పోస్ట్ పోన్ అయిన సంగతి అందరికీ తెలిసిందే.
