NTR:ఎన్టీఆర్ వరుస సినిమాలతో బిజీ గా ఉన్నారు దాదాపు రెండేళ్లు సినిమాలో కనిపించలేదు. రాజమౌళి ఆర్ ఆర్ ఆర్ సినిమా కోసం చాలా రోజులు కేటాయించారు ఎన్టీఆర్, రామ్ చరణ్.ఆర్ ఆర్ ఆర్ సినిమా షూటింగ్ పూర్తి చేసుకుని విడుదలకు సిద్ధం అయింది. ప్రొమోషన్స్ లో బిజీ గా ఉన్న ఎన్టీఆర్, రామ్ చరణ్ వారి తదుపరి చిత్రాలపై దృష్టి పెట్టారు. ఆర్ ఆర్ ఆర్ తర్వాత కొరటాల శివ దర్శకత్వంలో చేస్తున్నారు. కాగా ఎన్టీఆర్ కెరీర్లో ఇది 30వ మైలురాయిగా తెరకెక్కనుంది. దీంట్లో ఎన్టీఆర్ కి జోడిగా ఆలియా భట్ నటిస్తున్నట్లు సమాచారం.
కొరటాల శివ దర్శకత్వంలో తెరకెక్కుతున్న ఈ సినిమాకి మొదట సంగీత దర్శకుడిగా అనిరుధ్ పేరు మొదట వినిపించింది. కానీ ఇప్పుడు నిర్ణయం మారినట్టుగా ఉంది, యువ సంగీత సంచలనం తమన్ దీనికి సంగీతం అందించబోతున్నారట. మొదటనే తమన్ ఈ సినిమాకు సంగీత దర్శకునిగా పిక్స్ అవ్వాల్సిందట. కానీ కొన్ని కారణాల వల్ల అది కుదరలేదు, కానీ ఇప్పుడు ఎన్టీఆర్ పట్టుపట్టడం వల్ల ఇది జరిగింది అంటున్నారు. ఏదేమైనా ఎన్టీఆర్ తమన్ కొరటాల శివ కాంబినేషన్లో అంటేనే అభిమానులు ఆనందంలో ఉన్నారు. ఈ కాంబినేషన్ ఇప్పటికి సెట్ అయింది అంటున్నారు.
అయితే ఈ సినిమా గురించి మరొక ఇంట్రెస్టింగ్ అప్డేట్ కూడా చక్కర్లు కొడుతోంది. ఈ సినిమాలో ఒక కీలక పాత్ర ఉందట, ఆ పాత్ర కోసం కొంత మంది సీనియర్ హీరోయిన్ల అయిన రాధా,శోభన,మాధురి పేర్లు వినిపిస్తున్నాయి. మరి ఆ కీలక పాత్ర కోసం ఏ హీరోయిన్ ని ఇంటికి చేస్తారో చూడాలి. అంతేకాకుండా ఏప్రిల్ 7న ముహూర్తం ఉంటుందని తెలుస్తోంది. కాగా సుధాకర్ మిక్కిలినేని, కళ్యాణ్ రామ్ కలిసి ఈ సినిమాను నిర్మిస్తున్నారు. వచ్చే నెల నుంచి షూటింగ్ పనులు పట్టాలు ఎక్కించే ఆలోచనలో ఉన్నట్లు తెలుస్తుంది.