రవితేజ ఎప్పుడు ఫుల్ లోడెడ్ ఎనర్జీతో ఉంటాడన్న సంగతి తెలిసిందే. మాస్ ఎంటర్‌టైనర్స్ చూడాలనుకే ఫ్యాన్స్ అందరికీ రవితేజ సినిమాలు చూస్తే కరువు తీరిపోతుంది. మాస్ ఎంటర్‌టైనమెంట్స్ లోనే రవితేజ ఎన్నో సినిమాలు చేస్తూ తనకంటూ ఒక ప్రత్యేకమైన మార్కెట్ ని సంపాదించుకున్నాడు. హిట్ వచ్చినా.. ఫ్లాప్ వచ్చిన రవితేజ మాత్రం ఎప్పుడు స్టేబుల్ గానే ఉంటున్నాడు. గత కొంతకాలంగా రవితేజ కి సరైన హిట్స్ దక్కడం లేదు. అయినా చేతిలో క్రేజీ ప్రాజెక్ట్స్ ఉన్నాయి. ప్రస్తుతం రవితేజ నటించిన క్రాక్ సినిమా మీద భారీ అంచనాలు నెలకొన్న సంగతి తెలిసిందే.
బలుపు, డాన్ శీను సినిమాలతో రవితేజ కి రెండు సూపర్ హిట్స్ ఇచ్చిన గోపీచంద్ మలినేని క్రాక్ సినిమాని తెరకెక్కించాడు. అంతేకాక ఫస్ట్ టైం గోపీచంద్ మలినేని ఒంగోలులో జరిగిన రియల్ ఇన్సిడెంట్ ఆధారంగా క్రాక్ సినిమాని తెరకెక్కించడం ఆసక్తికరం. శృతిహాసన్ హీరోయిన్ గా నటించిన ఈ సినిమాలో వరలక్ష్మీ శరత్ కుమార్ .. సముద్ర ఖని కీలక పాత్రల్లో నటించారు. ఆర్జీవీ అప్సర రాణి ఐటెం సాంగ్ లో స్టెప్పులేసింది. ఇప్పటికే ఈ సినిమా మీద భారీ అంచనాలు ఏర్పడ్డాయి. కాగా ఈ సినిమా సంక్రాంతి బరిలో దిగబోతోంది.
ఇప్పటికే చిత్ర యూనిట్ ఈ సినిమా ప్రమోషన్స్ విషయం లో ఎప్పటికప్పుడు సర్‌ప్రైజ్ చేస్తూ ఫ్యాన్స్ లో ఆసక్తి విపరీతంగా పెంచుతున్నారు. ఈ క్రమంలో మాస్ మహారాజ రవితేజ ఫ్యాన్స్ కి ఉన్న జోష్ ని డబుల్ చేసేందుకు ‘క్రాక్’ ఒరిజినల్ సౌండ్ ట్రాక్ ని మ్యూజిక్ డైరెక్టర్ థమన్ రిలీజ్ చేయబోతున్నాడట. ఇక ఇప్పటికే క్రాక్ నుంచి ‘భూమ్ బద్దలు’ ‘భలేగా తగిలావే బంగారమ్’ ‘కోరమీసం పోలీసోడు’ సాంగ్స్ రిలీజై ప్రేక్షకులను బాగా ఆకట్టుకున్నాయి. కాగా రవితేజ – థమన్ కాంబినేషన్ లో వస్తున్న క్రాక్ 11 వ చిత్రం కావడం విశేషం.కాగా తాజాగా ఈ సినిమా నుంచి మాస్ ఆడియన్స్ ని ఊపేసే మాస్ బిర్యాని అన్న మసాలా సాంగ్ రిలీజ్ అయింది.
