Bheemla Nayak: బీమ్లా నాయక్ సినిమా రిలీజ్ అయిన రోజు నుండి అటు అభిమానుల సందడి ఇటు సినీ తారల స్పందనలతో రోజు వార్తల్లో నిలుస్తోంది. మహేష్ బాబు తో మొదలు చాలా మంది సెలబ్రిటీస్ భీమ్లా నాయక్ కు ఆల్ ది బెస్ట్ చెప్పడం, సినిమాలో పవన్ కళ్యాణ్, రానా ల నటనను ప్రశంసించడం కామన్ అయిపోయింది. ఇక భీమ్లా నాయక్ థియేటర్స్ దగ్గర సందడి నెలకొంది. ఓవర్సీస్ లోను అదరగొడుతోంది. ఆల్రెడీ బ్రేక్ ఈవెన్ పాయింట్ కి చేరుకుంది భీమ్లా నాయక్.3 రోజుల్లోనే దాదాపు 100కోట్ల వసూళ్లు దాటి ముందుకు పోతుంది.
మలయాళం సినిమా రీమేక్ అయినా భీమ్లా నాయక్ కు చాలా మార్పులు చేసారు. పవన కళ్యాణ్ క్యారెక్టర్ చుట్టూ కథ నడిచేలా మార్చారు. ఇక ఈ సినిమాలో త్రివిక్రమ్ తన సెంటిమెంట్ కోసం బ్రహ్మానందం, సునీల్ లను పెట్టుకున్నారు. సునీల్ అసలు ఉన్నాడనే విషయం చాలా మంది అసలు గమనించారో లేదో కూడా తెలియదు. పాటలో అలా వచ్చి అలా వెళ్లారు.
అయితే సునీల్ షూటింగ్ లో ఒక ఫోటోను షేర్ చేస్తూ స్క్రీన్ షేర్ చేసుకోవడం మీకు తెలుసు కానీ స్టూల్ షేర్ చేసుకోవడం మీరు చూడలేదు అంటూ పోస్ట్ పెట్టారు.
కొంతసేపటికే ఏదీ వైరల్ అయింది. పవన కళ్యాణ్ ఎంత సాధారణంగా షూటింగ్ సెట్స్ లో ఉంటారో మరోసారి రుజువయిందని అభిమానులు ఆనంద పడిపోతున్నారు. మొత్తానికి పవన్ కళ్యాణ్ రీ ఎంట్రీ తర్వాత నటించిన రెండు సినిమాలు బాక్సాఫీస్ వద్ద రికార్డులు సృష్టించడంతో పవన్ అభిమానులు ఎంతో సంతోషం వ్యక్తం చేస్తున్నారు. ప్రస్తుతం ఈ సినిమా విజయవంతం కావడంతో చిత్రబృందం ఎంతో సంతోషం వ్యక్తం చేస్తున్నారు. ఇక పవన్ కళ్యాణ్ తన తదుపరి చిత్రాలతో బిజీ కానున్నారు.