గత కొంతకాలంగా పుష్ప 2 టీం ఊరిస్తూ వస్తున్న కిస్సిక్ సాంగ్ ఎట్టకేలకు రిలీజ్ అయింది. నవంబర్ 24న చెన్నై ఈవెంట్ లో లైవ్ పెర్ఫార్మెన్స్ చేసి మరీ సాంగ్ ని రిలీజ్ చేశారు. పుష్ప మొదటి భాగంలో సమంత చేసిన పాట సూపర్ హిట్ కావడంతో పుష్ప 2 లో వచ్చే స్పెషల్ సాంగ్ పై అంచనాలు ఎక్కువగా ఉన్నాయి. ఇక ఈ సాంగ్ విషయానికి వస్తే డబుల్ మీనింగ్ మాటలతో మాస్ ఆడియన్స్ కి కనెక్ట్ అయ్యేలా కనిపిస్తుంది.
మామూలుగానే సూపర్ డాన్సర్ అయిన శ్రీలీల ఈ పాటలో డాన్స్ మరింత ఇరగదీసింది. మొదటి భాగం లాగానే ఈ సాంగ్ కూడా పార్టీ థీమ్ లోనే సెట్ చేశారు. ప్రస్తుతం ఈ పాట వైరల్ గా మారింది. ఇదే ఈవెంట్లో శ్రీ లీల కూడా పాల్గొని తన స్పెషల్ సాంగ్ గురించి తమిళంలో మాట్లాడి అందర్నీ ఆశ్చర్యపరిచింది. తమిళ్, ఇంగ్లీషులో వైల్డ్ ఫైర్ ఈవెంట్లో మాట్లాడి ఈ సాంగ్ తనకిచ్చిన అందరికీ కృతజ్ఞతలు తెలుపుకుంది శ్రీ లీల.
చెన్నైలో నేను చేసిన పాట లాంచ్ చేయడానికి వచ్చి నాపై ఇంత ప్రేమ చూపిస్తున్నందుకు నాకు మాటలు రావడం లేదు అని చెప్పింది, ఇక అల్లు అర్జున్ గురించి మాట్లాడుతూ మీతో డాన్స్ చేయడం అదృష్టంగా భావిస్తున్నాను, మీతో డాన్స్ చేయడం ఎలా అని అనుకున్నాను కానీ మీరు చాలా సింపుల్ గా ఉండటం సెట్లో ఫన్ చేయడం నన్ను ఆశ్చర్యానికి గురి చేసింది. మీ నుంచి చాలా నేర్చుకున్నాను అని చెప్పింది.
అలాగే నన్ను నమ్మి నాకు ఈ సినిమాలో స్పెషల్ సాంగ్ చేయడానికి అవకాశం ఇచ్చిన దర్శకుడు సుకుమార్ గారికి థాంక్స్ అని చెప్పింది అలాగే రష్మిక గురించి మాట్లాడుతూ సెట్ లో ఎప్పుడూ నవ్వుతూనే ఉంటారు మేము చాలా క్లోజ్ అయ్యాము అని చెప్పకొచ్చింది. పనిలో పనిగా దేవిశ్రీప్రసాద్ కి కూడా తన ధన్యవాదాలు తెలిపింది. ఈ సాంగ్ హిట్ అయితే కనుక శ్రీ లీల కెరియర్ ఎక్కడికో వెళ్ళిపోతుందనటంలో సందేహం లేదు.
