ఆన్ స్టాపబుల్ షో కి గెస్ట్లుగా శ్రీలీల, నవీన్ పోలిశెట్టి..ఈ కాంబినేషన్ ఏంటి, విడ్డూరంగా!

టాలీవుడ్ టాప్ స్టార్, నందమూరి నట సింహం బాలకృష్ణ హోస్ట్గా వ్యవహరిస్తున్న అన్ స్టాపబుల్ షో ఆడియన్స్ కి మాస్ ఎంటర్టైన్మెంట్ ని అందిస్తున్న సంగతి తెలిసిందే. ఆహా ఓటీటీ లో స్ట్రీమింగ్ అవుతున్న ఈ షో పై ఇప్పటికే ఆడియన్స్ లో విపరీతమైన క్రేజ్ ఏర్పడింది. ఇప్పటికే సక్సెస్ఫుల్గా మూడు సీజన్లు పూర్తిచేసుకుని ఫోర్త్ సీజన్లోకి అడుగుపెట్టిన ఈ షో ఇప్పటికే నాలుగు ఎపిసోడ్లను పూర్తి చేసుకుంది.

మొదటి ఎపిసోడ్కి చంద్రబాబు నాయుడు రెండవ ఎపిసోడ్ కి హీరో సూర్య, మూడవ ఎపిసోడ్ కి దుల్కర్ సల్మాన్, నాలుగవ ఎపిసోడ్ కి అల్లు అర్జున్ గెస్ట్ గా వచ్చారు. ఈ అన్ని ఎపిసోడ్స్ కి మంచి రెస్పాన్స్ వచ్చింది. బన్నీ ఎపిసోడ్ అయితే బ్లాక్ బస్టర్ అయింది. ఇక ఇప్పుడు ఐదవ ఎపిసోడ్ కి ఎవరు వస్తున్నారా అనుకుంటూ ఉండగానే నవంబర్ 26న శ్రీ లీల, నవీన్ పోలిశెట్టిలతో ఎపిసోడ్ షూట్ చేశారు బాలకృష్ణ.

వీరిద్దరిని జంటగా పిలవడం వెనుక కారణం ఏమిటని అంత ఆసక్తిగా చూస్తున్నారు. ఆ మధ్య వీరిద్దరి కాంబినేషన్లో సినిమా రూపొందుతున్నట్లు వార్తలు వచ్చాయి కానీ కొన్ని కారణాల వలన ఆ సినిమా ఆగిపోయినట్లు సమాచారం అందుతుంది. ఈ ఎపిసోడ్ కోసం తాజాగా ఆ హా టీం ఈ షో నుంచి ఒక ఫోటో రిలీజ్ చేసింది. బాలకృష్ణ శ్రీలీలకు ఏదో బహుమతి ఇస్తుంటే నవీన్ కూడా తీసుకుంటున్నట్లు దూరంగా నిల్చని చేయి పెట్టాడు.

ఈ ఫోటో చూడగానే జాతి రత్నాలు సినిమాలో బర్త్డే సీన్ గుర్తుకు వస్తుంది. ఆ సీన్ తో కంపేర్ చేస్తూ ఆహా టీం ఈ ఫోటో షేర్ చేయడంతో ఈ ఫోటో ఇప్పుడు వైరల్ గా మారింది. సినిమాల్లోనే కాదు నవీన్ పోలిశెట్టి బయట కూడా ఫుల్ ఎంటర్టైనర్ పర్సన్ అని అందరికీ తెలిసిందే ఇక ఇప్పుడు బాలకృష్ణ ఎంటర్టైనింగ్ కి నవీన్ పోలీస్ శెట్టి, శ్రీ లీలల ఎంటర్టైన్మెంట్ తోడైతే ఎలా ఉంటుందో చెప్పనక్కర్లేదు.