సిద్దార్థ్‌ తాజాగా అల్లు అర్జున్‌ పుష్ప 2 పాట్నా ఈవెంట్‌పై కౌంటర్లు వేశాడు. అసలు పాట్నా ఈవెంట్‌ చూసి నేషన్‌ మొత్తం షాక్‌ అయింది. అసలు పాట్నాలో ఈవెంట్‌ పెట్టడమే ఓ సాహసం అనుకుంటే.. అక్కడ వేలు, లక్షల మంది రావడం చూసి అంతా నోరెళ్లబెట్టారు. అసలు నార్త్‌లో బన్నీ క్రేజ్‌ చూపించేందుకు అదొక ఉదాహరణగా నిలిచింది. ఇక ఇప్పుడు పుష్ప 2 నార్త్‌లో ప్రభంజనం సృష్టిస్తున్న సంగతి తెలిసిందే. ఇలాంటి టైంలో సిద్దు చేసిన వ్యాఖ్యలు వైరల్‌ అవుతున్నాయి.
నార్త్‌లో పుష్ప క్రేజ్‌ ఎలా ఉందో.. ఉంటుందో అందరూ చూస్తూనే ఉన్నారు. పుష్ప కంటే పుష్ప 2 దేశాన్ని ఊపేస్తోంది. ప్రస్తుతం అల్లు అర్జున్‌ ఇండియన్‌ బాక్సాఫీస్‌ను షేక్‌ చేస్తున్నాడు. నాలుగు రోజుల్లోనే 800 కోట్లకు పైగా రాబట్టి సౌత్‌, నార్త్‌ అందరినీ షాక్‌కు గురి చేసింది. అయితే ఈ సక్సెస్‌ను చూసి చాలా మంది సైలెంట్‌ అయిపోయారనిపిస్తోంది. బాలీవుడ్‌ స్టార్‌ హీరోలు, టాలీవుడ్‌ బడా స్టార్లు, ఇతర ఇండస్ట్రీకి చెందిన హీరోలెవ్వరూ కూడా పుష్ప 2 సక్సెస్‌, బన్నీ సాధిస్తున్న విజయాల మీద ప్రశంసలు కురిపించడం లేదు.
తాజాగా సిద్దార్థ్‌ అయితే ప్రశంసించకపోగా.. చాలా తక్కువ చేసి మాట్లాడాడు. పుష్ప 2 కోసం పాట్నాలో అల్లు అర్జున్‌ నిర్వహించిన ఈవెంట్‌ ఎంతగా సక్సెస్‌ అయిందో అందరికీ తెలిసిందే. పుష్ప 2 ఈవెంట్‌ను ఓపెన్‌ గ్రౌండ్‌లో నిర్వహిస్తే రెండు లక్షల మంది వచ్చినట్టుగా సమాచారం. అసలు పాట్నాలాంటి చోట ఈవెంట్‌ పెట్టడమే గొప్ప అంటే.. అంత మంది రావడంతో అంతా షాక్‌ అయ్యారు. ఇంత క్రౌడ్‌ను ఎలా మ్యానేజ్‌ చేశారా? అని అంతా అవాక్కయ్యారు. సిద్దు ఇప్పుడు ఈ పుష్ప 2 పాట్నా ఈవెంట్‌ గురించి మాట్లాడిన మాటలే వైరల్‌ అవుతున్నాయి. మిస్‌ యూ అంటూ సిద్దు ఈ వారం థియేటర్లోకి రాబోతోన్న సంగతి తెలిసిందే.
అసలు రెండు వారాల క్రితమే ఈ చిత్రాన్ని రిలీజ్‌ చేయాల్సింది. కానీ తమిళ నాడులో తుఫాను ప్రభావం ఎక్కువగా ఉండటంతో వాయిదా వేశారు. మరి ఇప్పుడు పుష్ప 2 ప్రభావం ఎక్కువగా ఉంది. అయినా కూడా సినిమాను రిలీజ్‌ చేయాలని అనుకుంటున్నాడు. మిస్‌ యూ ప్రమోషన్స్‌లో భాగంగా పాట్నా ఈవెంట్‌ గురించి మాట్లాడాడు. అదంతా ప్రమోషన్‌, మార్కెటింగ్‌ అని అన్నాడు. జేసీబీ పనికి వెళ్లినా కూడా అక్కడ చాలా మంది చూస్తారు అంటూ దారుణంగా మాట్లాడాడు. రాజకీయ సభల్లో చూస్తాం కదా అదాంతా బిర్యానీ పాకెట్‌, క్వాటర్‌ కోసం వచ్చిన క్రౌడ్‌ అంటూ తక్కువ చేసి మాట్లాడాడు. సిద్దు మాట్లాడిన ఈ మాటలతో బన్నీ ఫ్యాన్స్‌ ఫైర్‌ అవుతున్నారు.
మరి నువ్వు వెళ్లి అక్కడ ఈవెంట్‌ పెట్టు.. ఎవరు వస్తారో చూద్దాం.. అసలు ఇప్పుడు నార్త్‌లో పుష్ప 2కి వస్తున్న కలెక్షన్లు చూస్తున్నావా? ఇంత ఇన్‌ సెక్యుర్‌తో ఎలా ఉంటారు అని బన్నీ ఫ్యాన్స్‌ ట్రోలింగ్‌ చేస్తున్నారు. సిద్దార్థ్‌ గతంలోనూ చాలా సార్లు చాలా విషయాల్లోనూ ఇలానే నోరు జారిన సంగతి తెలిసిందే.