మామూలుగా ఓ సినిమా జనాల్లోకి సులభంగా ఎక్కాలంటే మ్యూజిక్ ముఖ్యం. సినిమా కంటే ముందుగా అందరినీ పలకరించేది పాటలే. పాటలు బాగుంటే.. ఆడియో హిట్ అయితే సినిమా ఆటోమేటిక్‌గా హిట్ అయినట్టే. కొన్ని చిత్రాలతో ఆడియోతోనే ఆడేస్తుంటాయి. అసలే ఇప్పుడు సిద్ శ్రీరామ్ సంగీత సంచలనం. ఆయన ఏదైనా పాట పాడాడంటే అది సూపర్ హిట్టే. ఇక రెండు తెలుగు రాష్ట్రాల్లో యశస్వీకి ఉన్న క్రేజ్ గురించి తెలిసిందే.
లైఫ్ ఆఫ్ రామ్ పాటను జీ సరిగమపలో పాడి ఓవర్ నైట్ స్టార్ అయ్యాడు. అలా ఈ ఇద్దరూ ఒక సినిమాలో పాటలు పాడారు. హుషారు ఫేమ్ అభినవ్ మేడిశెట్టి హీరోగా రమ్య పసుపులేటి హీరోయిన్‌గా కామ్రేడ్ ఫిల్మ్ ఫ్యాక్టరీ బ్యానర్‌పై నందన్ దర్శకత్వంలో రాజిరెడ్డి నిర్మిస్తున్న చిత్రం “మైల్స్ ఆఫ్ లవ్”. రామ్ కామ్ బాక్డ్రాప్ లో రూపొందుతున్న ఈ చిత్రానికి ఆర్ ఆర్ ధ్రువన్ సంగీత సారథ్యం వహించారు.
ఇప్పటికే విడుదలైన ‘గగనం దాటే’ తొలి పాటను జీ సరిగమ ఫేమ్ యశస్వి ఆలపించగా హిట్ చిత్రాల నిర్మాత దిల్ రాజు రిలీజ్ చేశారు. ఈ పాట వన్ మిలియన్ వ్యూస్ పైగా రాబట్టుకొని రెండో మిలియన్స్ కి రీచ్ అవుతోంది. తన గాత్రంతో సంగీత ప్రియులను అలరిస్తున్న సిద్ శ్రీరామ్ ఆలపించిన ‘తెలియధే.. తెలియధే’ రెండవ పాటను ప్రముఖ దర్శకుడు తరుణ్ భాస్కర్ రిలీజ్ చేయగా అది వన్ మిలియన్‌కు చేరుకుంది. ఇలా యశస్వీ, సిధ్ శ్రీరామ్‌ల పాటలకు ఇప్పుడు ఫుల్ క్రేజ్ ఏర్పడింది.