తరుణ్ భాస్కర్ దర్శకత్వంలో విజయ్ దేవరకొండ హీరోగా నటించినటువంటి మొట్టమొదటి చిత్రం పెళ్లిచూపులు.ఈ సినిమాతో హీరోగా ఇండస్ట్రీకి పరిచయమైన విజయ్ దేవరకొండ మొదటి సినిమాతోనే బాక్స్ ఆఫీస్ వద్ద మంచి విజయాన్ని సొంతం చేసుకున్నారు. ఇక ఈ సినిమా మంచి విజయం కావడంతో విజయ్ దేవరకొండకు అనంతరం అర్జున్ రెడ్డి గీతగోవిందం వంటి సినిమాలలో నటించే అవకాశం వచ్చింది ఇక ఈ సినిమాలు కూడా మంచి హిట్ కావడంతో ఈయన తెలుగు సినిమా ఇండస్ట్రీలో వరుస సినిమా అవకాశాలను అందుకొని ఎంతో బిజీగా గడుపుతున్నారు.
ఇకపోతే తాజాగా ఈయన లైగర్ సినిమా ద్వారా పాన్ ఇండియా స్థాయిలో ప్రేక్షకుల ముందుకు వచ్చారు. ఈ సినిమా డిజాస్టర్ అయినప్పటికీ విజయ్ దేవరకొండకు మాత్రం విపరీతమైన ఫ్యాన్ ఫాలోయింగ్ పెరిగిపోయింది.ఇకపోతే తాజాగా విజయ్ దేవరకొండ నటించిన పెళ్లిచూపులు సినిమా గురించి ఓ వార్త సోషల్ మీడియాలో వైరల్ అవుతుంది. నిజానికి తరుణ్ భాస్కర్ పెళ్లిచూపులు సినిమా కథను విజయ్ దేవరకొండతో తీయాలని ఏమాత్రం భావించలేదట. ఈ సినిమా కథ పూర్తి కాగానే తరుణ్ భాస్కర్ వెంటనే నిఖిల్ కి కలిసి ఈ సినిమా కథను వినిపించడంతో కథ నచ్చిన నిఖిల్ వెంటనే సినిమా చేద్దామని చెప్పారు.
ఇక హీరో దర్శకుడు సిద్ధంగా ఉన్నప్పటికీ సినిమాకి ప్రొడ్యూసర్ దొరకకపోవడంతో ఈ సినిమా చేయడానికి కాస్త ఆలస్యం అయింది. ఇలా ఈ సినిమా చేయడానికి ఆలస్యం కావడంతో నిఖిల్ ఎక్కడికి పోతావు చిన్నవాడా అనే సినిమాకి కమిట్ అయ్యారు. ఇక ఈ సినిమాతో నిఖిల్ బిజీగా ఉన్న సమయంలోనే పెళ్లిచూపులు సినిమాకు ప్రొడ్యూసర్ దొరకడం జరిగింది.ఇక అప్పటికే ఎక్కడికి పోతావు సినిమాతో బిజీగా ఉన్న నిఖిల్ ఈ సినిమాలో నటించే అవకాశం కుదరలేదు ఇలా నిఖిల్ ఈ సినిమా అవకాశం కోల్పోవడంతో ఈ సినిమాలో నటించే అవకాశాన్ని విజయ్ దేవరకొండకు వచ్చింది.అలా విజయ్ దేవరకొండ సూపర్ హిట్ కొట్టగా నిఖిల్ మాత్రం సూపర్ హిట్ సినిమాని మిస్ చేసుకున్నారని వదులుకున్నారని చెప్పాలి.