టాలీవుడ్ లో ఇప్పుడిప్పుడే కెరీర్ లో సెటిలవబోతున్న ఒక యంగ్ హీరో జైలుకి వెళ్ళే అవకాశాలున్నాయని ఫిల్మ్ నగర్ లో అలాగే సోషల్ మీడియాలోనూ న్యుస్ వైరల్ గా మారింది. సినిమాలలో నటించాలని మంచి నటుడిగా… హీరోలగా సెటిలవ్వాలని ఎంతో మంది.. ఎన్నో ఆశలు పెట్టుకొని ఇండస్ట్రీకి వస్తారు. ఒక్క అవకాశం కోసం రాత్రి పగలు ఎన్నో కష్టాలు పడతారు. తిండి.. నిద్ర లేకుండా నెలలకి నెలలు పస్తులున్న వారు కోకొల్లలు. ఒక్క అవకాశం వస్తే ఏదో సాధించేశామన్న ఆనందం తో పొంగిపోయేవాళ్ళు ఎంతమందో.
వరసగా పెద్ద సినిమాలలో నటించే అవకాశాలు దక్కినా ఈ పోటీ ప్రపంచంలో ఎప్పుడు ఏం జరుగుతుందో తెలియనివాళ్ళు నిరంతరం కంగారుపడుతూ వచ్చిన ప్రతీ అవకాశాన్ని తన కెరీర్ కి తగ్గట్టు మలచుకోవడానికి తాపత్రయపడుతుంటారు. ఇక్కడ గుర్తింపు తెచ్చుకోవడం కోసం పడే పాట్లు ఒకెత్తైతే.. ఆ గుర్తింపు ని పోగొట్టుకోకుండా ఎన్నో రకాలుగా జాగ్రత్తలు పడేవాళ్ళు ఉన్నారు. అయితే కొందరు మాత్రం కాస్త అందరిలో గుర్తింపు దక్కగానే దాన్ని ఆసరాగా చేసుకొని మోసాలకు పాల్పడే వారు కూడా ఇండస్ట్రీలో చాలామంది ఉన్నారు.
అలాంటి నటుడే ఇప్పుడు ఆరోపణలు ఎదుర్కొంటున్నాడు. రీసెంట్ గా వచ్చిన ‘ఓ పిట్ట కథ’ సినిమాతో పాటు అంతకు ముందు వచ్చిన కేరింత.. మనమంత.. జెర్సీ సినిమాలతో తెలుగు ప్రేక్షకులలో గుర్తింపు పొందిన యంగ్ హీరో విశ్వంత్ పై తాజాగా బంజారా హిల్స్ పోలీస్ స్టేషన్ లో కేసు నమోదు అయ్యింది. తక్కువ రేటుకు కార్లు ఇప్పిస్తానంటూ విశ్వంత్ మోసానికి పాల్పడ్డాడు అన్న అభియోగం కింద ఈ కేసు నమోదు అయ్యిందని అంటున్నారు. ఫిర్యాదు మేరకు కేసు నమోదు చేసిన పోలీసులు విశ్వంత్ ను విచారించేందుకు సిద్దం అవుతున్నట్లుగా సమాచారం. కాగా ఈ కేసుకు సంబంధించిన పూర్తి వివరాలు ఇంకా పూర్తిగా తెలియాల్సి ఉంది. ఒకవేళ నిజంగా విశ్వంత్ మోసానికి పాల్పడితే తర్వాత పరిణామాలు ఎలా ఉంటాయన్నది త్వరలో వెల్లడికానుంది.