ప్రభాకర్ ఒక టీవీ ఆర్టిస్ట్. అతని గురించి చిన్నతెర మీద తెలియని వారు ఎవరు ఉండరు. అతను గతంలో ఫ్రాంక్లీ విత్ TNR అనే ప్రోగ్రామ్‌లో తన అనుభవాలను పంచుకోవడం జరిగింది. తాను యాదృచ్ఛికంగా టీవీ ఆర్టిస్టును అయ్యానని, దూరదర్శన్ మెగా సీరియల్ రుతురాగాలు తన జీవితాన్ని పూర్తిగా మార్చివేసిందని ప్రభాకర్ అన్నారు. యాహూ షోను హోస్ట్ చేసినందుకు ప్రభాకర్‌ని ఈటీవీ ప్రభాకర్ ఇంకా యాహూ ప్రభాకర్ అని కూడా పిలుస్తారు. ఆర్యన్ రాజేష్, అబ్బాస్, ప్రభుదేవా, ఉదయ్ కిరణ్ మొదలైన చాలా మంది హీరోలకు డబ్బింగ్ చెప్పడం ద్వారా ప్రభాకర్ తన వాయిస్‌ని కూడా అందించారు.
టీవీ పరిశ్రమలో మంచి గుర్తింపు తెచ్చుకున్న వ్యక్తి. అతను ఒక బహుముఖ ప్రజ్ఞాశాలి. అతను దూరదర్శన్ కాలం నుండి పని చేస్తున్నాడు. ప్రాథమికంగా అతనిది ఖమ్మం జిల్లా ముదిగొండ కానీ అతను ఖమ్మంలో పెరిగాడు. పదవ తరగతి నుంచే పోలీసు శాఖలో హోంగార్డుగా పనిచేయడం ప్రారంభించాడు. పోలీస్ డిపార్ట్‌మెంట్‌లో పనిచేస్తూనే డిగ్రీ పూర్తి చేసి ఆ తర్వాత ఉస్మానియా యూనివర్సిటీలో పీజీ చదవాలని లక్ష్యంగా పెట్టుకుని హైదరాబాద్ వచ్చాడు. ఆ సమయంలో అతనికి ఎకనామిక్స్ సబ్జెక్టుపై ఆసక్తి ఉండేది. తర్వాత పీజీ ప్రవేశ పరీక్ష రాసినా ఆ స్పెషలైజేషన్‌లో సీటు రాలేదు. తన స్నేహితుడి ప్రోత్సాహంతో, అతను థియేటర్ ఆర్ట్స్‌పై పరీక్ష రాసి, ఆపై నిజాం కాలేజీలో సీటు సంపాదించాడు. అతను 1998 సంవత్సరంలో సి. రంగరాజన్ చేత థియేటర్ ఆర్ట్స్‌లో బంగారు పతకాన్ని అందుకున్నాడు.
డిగ్రీ ఒకటవ సంవత్సరంలో అతను ప్రేమలో పడ్డాడు. మలయాజతో మొదటి చూపులోనే ప్రేమలో పడిన అతను ఆరేళ్ల ప్రేమ తర్వాత ఆమెను పెళ్లి చేసుకున్నాడు. ఇప్పుడు వీరిద్దరికీ శ్రీవిద్య, చంద్రహాస్ అనే ఇద్దరు పిల్లలు ఉన్నారు. ఆయన సీరియల్స్‌లో కూడా నటిస్తున్నారు. ఆయన కుమార్తె శ్రీవిద్యకు నంది అవార్డు కూడా లభించింది.
అతను అనుకోకుండా టీవీ రంగంలోకి వచ్చానని చెప్పుకొచ్చాడు. షూటింగ్ స్పాట్‌లో తన స్నేహితుడిని కలవడానికి వెళ్ళినప్పుడు దర్శకుడు అతన్ని పిలిచి నటనలో అవకాశం ఇచ్చాడనీ అతని మొదటి సీరియల్ చాణక్య అంటూ తెలియజేశాడు. అప్పట్లో పాపులర్ అయిన రుతురాగాలు సీరియల్ తో అతనికి టర్నింగ్ పాయింట్ వచ్చిందనీ చెప్పడం జరిగింది.
చిత్ర పరిశ్రమలో 50 మందికి పైగా కొత్తవారికి డబ్బింగ్ చెప్పారని తెలిపారు. అందరూ ఆయనను ‘బుల్లితెర మెగాస్టార్’, ‘ఈటీవీ ప్రభాకర్’ అని కూడా పిలుచుకుంటారు. అతను ఈ టీవీ గ్రూప్‌ల క్రియేటివ్ మేనేజర్ గా మేనేజింగ్ డైరెక్టర్‌గా చాలా సంవత్సరాలు పనిచేశాడు. కొన్ని గొడవల కారణంగా ఈటీవీని వదిలి ఇతర ఛానెల్స్‌లోకి ప్రవేశించాడు.
అయితే గతంలో జరిగిన ఒక ఇంటర్వ్యూలో అతని తీపి జ్ఞాపకం అతని వివాహం అని చెప్పుకొచ్చారు. తన విజయానికి 90 శాతం అదృష్టం తన భార్యదేనని అతను నమ్ముతాననీ చెప్పడం జరిగింది. మరి అతనికి ఇంకో ఆవిడతో సంబంధం ఉండేదట. ఆ విషయంలో ప్రభాకర్ తన భార్యను బాగా ఏడిపించినట్లు ఇంకా ఎక్కువ బాధ పెట్టినట్టు కూడా తెలియజేశాడు. అయితే కొన్నేళ్ల తరువాత ఆ విషయాన్ని అర్థం చేసుకుని విడిపోయినట్టు తెలిపాడు ప్రభాకర్.
అయితే అతను ఆ రిలేషన్ తరువాత తన భార్యతో ఇంకా పిల్లలతో ఆనందంగా ఉన్నట్లు తెలిపాడు. అలాగే ప్రభాకర్ తన ఫ్యామిలీతో కలిసి చాలా షోలలో కూడా పాల్గొనడం జరిగింది. మరి ప్రస్తుతం టీవీ ప్రభాకర్ తనదైన శైలిలో ప్రేక్షకులను అలరిస్తున్నాడు.