టాలీవుడ్ ఇండస్ట్రీలో గత కొంతకాలంగా సరైన సక్సెల్ లేక కొంతమంది టాలెంటెడ్ హీరోలు అనుకున్నంత స్థాయికి ఎదిగడం లేదు. అలాంటి నటులకు అప్పుడప్పుడు అగ్ర హీరోలు కాస్త సపోర్ట్ చేస్తే వెంటనే సెట్టవుతారని చెప్పవచ్చు. ఇక మెగస్టార్ చిరంజీవి అలాంటి వారిని ఎంకరేజ్ చేయడంలో ముందుంటారని ప్రత్యేకంగా చెప్పనవసరం లేదు. ఇటీవల మరొక హీరోకు గోల్డెన్ ఛాన్స్ ఇచ్చాడు.
బిగ్ బాస్ సీజన్ 4 ఫైనల్ లోనే టాలెంట్ ఉన్న కంటెస్టెంట్స్ కు ఒక రేంజ్ లో ఆఫర్స్ ఇచ్చిన మెగాస్టార్ ఇప్పుడు సత్యదేవ్ కు కూడా ఒక గోల్డెన్ ఆఫర్ ఇచ్చాడు. వినూత్నంగా కథలను ఎంచుకునే సత్యదేవ్ మంచి టైమింగ్ ఉన్న యాక్టర్. ఏ పాత్రకైనా కూడా సరైన న్యాయం చేయగలడని నీరూపించుకున్నాడు. ఇక ఫైనల్ గా ఇటీవల మెగాస్టార్ కన్ను ఇతనిపై పడింది. త్వరలో మెగాస్టార్ లూసిఫర్ రీమేక్ ను స్టార్ట్ చేయనున్న విషయం తెలిసిందే.
ఇక మలయాళంలో పృథ్వీరాజ్ చేసిన పాత్రలో సత్యదేవ్ నటించనున్నట్లు సమాచారం. గతంలో బ్లఫ్ మాస్టర్ చూసి సత్యదేవ్ నటనకు ఫిదా అయిన మెగాస్టార్ అప్పట్లోనే చిత్ర దర్శకుడిని ప్రత్యేకంగా గౌరవించాడు. అలాగే సత్యదేవ్ నటనను చూసి పొగడ్తలతో ముంచెత్తారు. ఇక ఇప్పుడు లూసిఫర్ రీమేక్ లో ఆఫర్ కూడా ఇవ్వడంతో ఒక్కసారిగా న్యూస్ వైరల్ అయ్యింది.