టాలీవుడ్ లో యంగ్ హీరోల హవా నడుస్తుంది. కొత్త కొత్త కథలు, డిఫరెంట్ జోనర్ సినిమాలు చేసి హిట్స్ అందుకుంటున్నారు. కొంతమంది హీరోలు కమర్షియల్ సక్సెస్ అందుకుంటే మరి కొందరు మాత్రం సినిమా రిజల్ట్స్ ఎలా ఉన్నా అభిమానులను మాత్రం గట్టిగానే సంపాదిస్తున్నారు. అలాంటి వారిలో సత్యదేవ్ ఒకరు. చిన్న చిన్న పాత్రల నుంచి ఇప్పుడు హీరోగా ఎదిగిన ఈ టాలెంటెడ్ యాక్టర్ కి ఇప్పటివరకు సరైన సక్సెస్ అందలేదని చెప్పాలి. పెద్ద సినిమాలు చేస్తున్నప్పటికీ ఎందుకో అతనికి లక్ కలిసి రావటం లేదు.
గాడ్ ఫాదర్ సినిమాలో మెగాస్టార్ చిరంజీవి కి ఆపోజిట్ రోల్ దక్కించుకున్నాడు అంటే అతని టాలెంట్ ఎలాంటిదో చెప్పుకోవచ్చు. అయినా కెరియర్ పరంగా ఆ సినిమా అతనికి ఉపయోగపడలేదనే చెప్పాలి. రీసెంట్ గా సత్యదేవ్ హీరోగా నటించిన సినిమా జీబ్రా రిలీజ్ అయిన సంగతి అందరికీ తెలిసిందే. ఈ సినిమాలో కన్నడ స్టార్ నటుడు డాలి ధనుంజయ్ కూడా నటించాడు. ఈ సినిమాకి మిక్స్డ్ రెస్పాన్స్ వచ్చిన సంగతి అందరికీ తెలిసిందే.
సినిమా పరంగా సత్య దేవ్ నటన, సత్య కామెడీ అంతా బాగున్నప్పటికీ ఎక్కడో తెలియని అసంతృప్తి కనిపిస్తుందంటున్న సోషల్ మీడియా రివ్యూల పై సత్యదేవ్ స్పందించారు. తన కెరీర్ లో బ్లఫ్ మాస్టర్ సినిమా హిట్ అయి ఉంటే తన కెరియర్ ఇంకో రేంజ్ లో ఉండేదని చెప్పుకొచ్చిన సత్యదేవ్ జీబ్రా సినిమాని అలా చేయొద్దు అంటున్నారు. బ్లఫ్ మాస్టర్ సినిమాలో అతని యాక్టింగ్ కి నూటికి నూరు మార్కులు పడినా ఎందుకో ఆ సినిమాకి కావలసినంత ఆదరణ లభించలేదు.
కానీ ఓటీటీలో, యూట్యూబ్లో అతని నటనకు విపరీతమైన ప్రశంసలు లభించాయి. వాటిని నిర్మాతలకు చూపిస్తే అవి కామెంట్లే కాని డబ్బులు కాదు కదా అని చెప్పేవారంట. అందుకే జీబ్రా సినిమాని కూడా అలా చేయకండి, యూట్యూబ్లో ఓటీటీలో వచ్చినప్పుడు పొగిడితే ఏం లాభం అందుకే థియేటర్లలోకి వెళ్లి సినిమా చూడండి అని చెప్తున్నాడు సత్యదేవ్. ఏదైనా సినిమా కోసం అతను పడుతున్న తపనకి హ్యాట్సాఫ్ చెప్పాల్సిందే.