Shami – Sania: టీమిండియా పేసర్ మహ్మద్ షమీ, టెన్నిస్ స్టార్ సానియా మీర్జా డేటింగ్‌లో ఉన్నారనే వార్తలు ఇటీవల సోషల్ మీడియాలో తెగ హల్‌చల్ చేస్తున్నాయి. వీరిద్దరూ కలిసి ఉన్న ఫొటోలు ఇంటర్నెట్‌లో వైరల్ అవుతుండటంతో, వీరు త్వరలో పెళ్లి చేసుకోబోతున్నారనే ఊహాగానాలు కూడా ప్రచారంలోకి వచ్చాయి. అయితే, ఈ వార్తలపై ఇద్దరూ అధికారికంగా స్పందించలేదు.
తాజాగా షమీ, సానియా బీచ్‌లో హగ్ చేసుకున్నట్టు కనిపిస్తున్న ఫొటో వైరల్ అవుతోంది. ఈ ఫొటోకు వేలాది లైకులు, కామెంట్లు వస్తుండటంతో అభిమానుల్లో ఆసక్తి పెరిగింది. కొందరు వీరిద్దరినీ ప్రశంసిస్తుండగా, మరికొందరు ఫొటో నిజమా కాదా అనే అనుమానాలు వ్యక్తం చేస్తున్నారు. ఫొటోకు సంబంధించిన క్రెడిబిలిటీపై పలు ప్రశ్నలు తలెత్తాయి, ఫోటోలోని లొకేషన్, టైమ్‌స్టాంప్ వివరాలు అనుమానాలకు తావిస్తోంది.
ఫ్యాక్ట్ చెక్ ప్రకారం, ఈ ఫొటోను అటు షమీ కానీ, ఇటు సానియా కానీ షేర్ చేయలేదు. దీన్ని ఏఐ (ఆర్టిఫిషియల్ ఇంటెలిజెన్స్) సహాయంతో రూపొందించిన డీప్ ఫేక్‌గా నిర్ధారించారు. మార్ఫింగ్ చేసి క్రియేట్ చేసిన ఈ ఫొటోను ఎవరో కావాలనే సోషల్ మీడియాలో షేర్ చేసినట్టు తేలింది. ఇలాంటి డీప్ ఫేక్ ఫోటోలు సెలబ్రిటీల వ్యక్తిత్వాన్ని దెబ్బతీస్తాయని నిపుణులు ఆందోళన వ్యక్తం చేస్తున్నారు.
అయితే, షమీ, సానియాల మధ్య వ్యక్తిగత సంబంధం గురించి ప్రస్తుతం నిజం ఏమీ లేదు. వారిద్దరూ తమ వ్యక్తిగత జీవితాల్లో కొనసాగుతుండగా, ఇలాంటి ప్రచారాలు సోషల్ మీడియాలో స్పష్టత లేకుండా చేస్తాయని నిపుణులు చెబుతున్నారు. ఫ్యాన్స్ ఇలాంటి వార్తలను నమ్మకుండా, నిజమైందా కాదా అనేది తేల్చుకోవాలంటూ సూచిస్తున్నారు. ఈ ఫొటోపై నెటిజన్ల మధ్య చర్చ కొనసాగుతున్నా, దీనికి సంబంధించి ఎలాంటి ఆధారాలు లేవని తేలింది.