మజిలీ, ఓ బేబీ లాంటి సూపర్ హిట్స్ అందుకున్న సమంత అక్కినేని ఆ తర్వాత హ్యాట్రిక్ హిట్ కోసం జాను చేసింది. తమిళంలో భారీ సక్సస్ అందుకున్న 96 కి రీమేక్ గా తెరకెక్కిన సమంత జాను ఘోరంగా ఫ్లాపయింది. దాంతో మళ్ళీ ఇప్పటి వరకు ఏ సినిమా కమిటవలేదు. లాక్ డౌన్ లో 8 నెలలు గడిచిపోయింది. ఈ 7-8 నెలలు భర్త .. అత్త మామలతో గడిపింది సమంత. అలాగే కొత్త బిజినెస్ కూడా మొదలుపెట్టింది. బిజినెస్ సక్సస్ గా ఫుల్ గా సాగుతోంది.
అలాగే ఫ్యామిలీ మాన్ సీజన్ 2 లో ఒక స్ట్రాంగ్ రోల్ చేసింది. లాక్ డౌన్ లో ఈ వెబ్ సిరీస్ ని కంప్లీట్ చేసింది. అంతేకాదు ఈ వెబ్ సిరీస్ కి సమంత తన పాత్రకి తానే మొదటిసారి డబ్బింగ్ చెప్పుకుంది. ఈ వెబ్ సిరీస్ మీద భారీగా అంచనాలు నెలకొన్నాయి. అయితే భర్త నాగ చైతన్య వరసగా సినిమాలు కమిటవుతూ వస్తున్నాడు. ఈ క్రమంలో శేఖర్ కమ్ముల దర్శకత్వంలో లవ్ స్టోరీ సినిమా కంప్లీట్ చేశాడు. సాయి పల్లవి హీరోయిన్ గా నటించింది.
అలాగే విక్రం కుమార్ దర్శకత్వంలో థ్యాంక్యూ సినిమా చేయబోతున్నాడు. దిల్ రాజు నిర్మించబోతున్న ఈ సినిమాలో ప్రియాంక అరుల్ మోహన్ హీరోయిన్ గా నటించబోతుంది. అయితే సమంత మాత్రం ఇంకా ఏ సినిమా కమిటవలేదని తెలుస్తుంది. ఆ మధ్య ఓ బేబీ తో మంచి హిట్ ఇచ్చిన బి.వి.నందిని రెడ్డి తో మళ్ళీ సినిమా చేస్తుందన్న వార్తలు వచ్చాయి. కాని ఆ ప్రాజెక్ట్ కి సంబంధించిన అనౌన్స్ మెంట్ ఏదీ రాలేదు. కాని నందిని రెడ్డి నిర్మాణంలో ఆహా కోసం ఒక టాక్ షో చేస్తుంది సామ్.
సామ్ జామ్ పేరుతో ఫస్ట్ ఎపిసోడ్ రీసెంట్ గా ఆహా లో స్ట్రిమింగ్ అయింది. కాని కంప్లీట్ గా ప్రేక్షకుల నుంచి నెగిటివ్ ఫీడ్ బ్యాక్ వస్తోందని అంటున్నారు. ఒక్క మాటలో చెప్పాలంటే ఈ టాక్ షో మోటో ఏంటో ఎవరికీ అర్థం కావడం లేదని మాట్లాడుకుంటున్నారు. ఇప్పటి వరకు వచ్చిన టాక్ షోస్ అన్నిటిని కలిపి చేసినట్టు నెగిటివ్ టాక్ స్ప్రెడ్ అవుతోంది. బిగ్ బాస్ కి ఒక ఎపిసోడ్ లో వచ్చి అలరించిన సమంత .. పూర్తి స్థాయిలో హోస్ట్ గా మారి చేస్తున్న సామ్ జామ్ కి మొదటి నుంచే నెగిటివ్ టాక్ రావడంతో ఫ్యాన్స్ ఒక్కసారి ఇలాంటి వి చేయాలనుకున్నప్పుడు బాగా ఆలోచించి సైన్ చేయమని రిక్వెస్ట్ చేస్తున్నారట.