Samantha: సమంత దక్షిణాది చిత్ర పరిశ్రమలో సూపర్ స్టార్ ఇపుడు. మొన్నటి వరకు హీరో పక్కన గ్లామర్ పాత్రలు చేస్తూ కుర్రకారు లో క్రేజ్ సంపాదించిన సామ్ వివాహం తర్వాత తనకు ప్రాధాన్యం ఉన్న సినిమాలను చేస్తూ తన స్థాయిని ఇంకొంచం పెంచుకుంటూ వస్తోంది. ప్రస్తుతం సమంత శాకుంతలం, యశోద వంటి చిత్రాల్లో నటిస్తోంది.విడాకుల తర్వాత సామ్ ఒకవైపు కెరీర్ లో బిజీగా ఉంటూనే సోషల్ మీడియాలో కూడా ఎక్కువగా యాక్టివ్ గా ఉంటున్నారు. పుష్ప సినిమాలోని ఐటమ్ సాంగ్ తో సమంతా మంచి క్రేజ్ మీద ఉంది.
ప్రస్తుతం, సమంత విజయ్ దేవరకొండతో సినిమా చేయబోతోందన్న వార్త హాట్ టాపిక్ గా నడుస్తోంది. విజయ్ దేవరకొండ,పూరీ జగన్నాథ్తో చేస్తున్న జనగణమన సినిమా కోసం లొకేషన్ల వేట నడుస్తోంది. అయితే విజయ్ దేవరకొండ నిన్నుకోరి,మజిలీ సినిమాల దర్శకుడు శివనిర్వాణతో ఒక సినిమా చేయాల్సి ఉంది. జనగణమన కంటే ముందు శివనిర్వాణతో సినిమా మొదట చేయాలని, ఈ సినిమాకి ఫిమేల్ లీడ్ గా సమంతాని ఎంపిక చేసినట్లు వార్తలు వినిపిస్తున్నాయి.
ఈ సినిమా కోసం శివ నిర్వాణ ఎంతో మంది హీరోయిన్లను సంప్రదించినా అప్పటికి ఫైనల్ గా సమంతను ఎంపిక చేసినట్లు సమాచారం. అయితే ఇది వరకే సమంత,విజయ్ దేవరకొండ మహానటి సినిమాలో కలిసి నటించారు.ఈ సినిమా ద్వారా వీరిద్దరు ఎంతో మంచి గుర్తింపును సంపాదించుకున్నారు. ఈ క్రమంలోనే ప్రస్తుతం శివనిర్వాణ దర్శకత్వంలో వస్తున్న ఈ ఫుల్ లెంత్ లవ్ స్టోరీలో సమంత ను తీసుకోవాలని భావిస్తున్నట్లు తెలుస్తోంది. అయితే ఈ సినిమాలు వీరి జంట ఎలా ఉంటుందో తెలియాలంటే వేచి చూడాలి.