ఇప్పుడందరు ఫ్యామిలీ ఆడియెన్స్, యూత్ ఆడియెన్స్ నుంచి ఒకటే మాట.. ఏం సినిమాకు వెళ్దాం అంటే.. అందరి నోట ఒక్కటే మాట.. ‘సామజవరగమన’. వారం రోజులగా ఈ చిత్రం బాక్సాఫీస్ వద్ద కలెక్షన్లను కురిపిస్తోంది. అసలే చిన్న సినిమాల‌కు ప్రేక్ష‌కులు రావడం చాలా కష్టమైన రోజుల్లో.. ఈ సినిమా అందరి దృష్టిని ఆకర్షించి రప్పించేస్తోంది. స్థాయికి మించిన వ‌సూళ్లను అందుకుంటోందని తెలుస్తోంది.
ఈ చిత్రం వారం తిరిగేస‌రికి 30 కోట్ల గ్రాస్, దాదాపు రూ. 20 కోట్ల షేర్ అందుకుందని సమాచారం అందింది. అంటే ఇది చిన్న విష‌యం కాదనే చెప్పాలి. ఈ చిత్ర మౌత్ టాక్ పాజిటివ్గా ఉండడంతో పాటు బాక్సాఫీస్ వద్ద మిగతా చిత్రాలకు ప‌రిస్థితులు కలిసిరాకపోవడం ఈ సినిమాకు బాగా ప్లస్ అయింది. గ‌త వారం ఈ చిత్రానికి పోటీగా విడుదలైన సినిమాలేవీ నిలబడలేదు.
ముఖ్యంగా భారీ అంచనాలతో రిలీజైన నిఖిల్ ‘స్పై’ నెగటివ్ టాక్తో చతికిలపడింది. దీంతో ఈ అడ్వాంటేజ్‌ను సామజవరగమన బాగా ఉప‌యోగించుకుంది. అయితే ఇప్పుడీ చిత్రానికి రెండో వారంలోనూ బాగా క‌లిసొచ్చినట్టు కనిపిస్తోంది. వీక్ డేస్‌లో కాస్త స్లో అయిన ఈ చిత్రం.. వీకెండ్ వచ్చేసరికి శుక్ర‌వారం సాయంత్రం నుంచి మ‌ళ్లీ బ‌లంగా పుంజుకుందట.
నిజం చెప్పాలంటే శుక్ర‌వారం మీడియం బడ్జెట్ సినిమాలు చాలానే రిలీజ‌య్యాయి. అవన్నీ ఫస్ట్ షో నుంచే ఆశించిన స్థాయిలో మంచి టాక్ తెచ్చుకోలేక‌పోయాయి. నాగ‌శౌర్య ‘రంగ‌బ‌లి’కి మిక్స్డ్ టాక్ తెచ్చుకుంది. ఇది ఏ మాత్రం ముందుకు సాగుతుంతో తెలీదు. ఇక శ్రీ సింహా ‘భాగ్ సాలే’ నెగటివ్ టాక్ తెచ్చుకుంది. ఇది పూర్తిగా వాషౌట్ అయ్యే అవకాశాలు ఉన్నాయి.
ఇక జ‌గ‌ప‌తిబాబు పీరియాడిక్ ఫిల్మ్ రుద్రంగికి కూడా ఆశించిన స్థాయిలో టాక్ను అందుకోలేదు. అలా భాగ్ సాలే, రుద్రంగి చిత్రాలకు మినిమం ఓపెనింగ్స్ కూడా దక్కలేదు. చాలా చోట్ల ఆడియెన్స్ లేక షోలు క్యాన్సిల్ అయ్యే ప‌రిస్థితి కూడా కనిపిస్తోంది. 7:11 పీఎం, స‌ర్కిల్ వంటి సినిమాలను కూడా ప్రేక్ష‌కులు ప‌ట్టించుకునే ప‌రిస్థితి ఎక్కడా కనిపించడం లేదు. కాబట్టి ఈ వారం కూడా అందరీ దృష్టి సామాజవరగమన మీదే ఉంది. బాక్సాఫీస్ దగ్గర ఇదే లీడ్ రోల్ పోషించనుంది. మొత్తంగా చూస్తే ఈ సినిమాకు ఈ రెండో వారం కూడా మంచి వసూళ్లనే అందుకునే ఛాన్స్లు కనపడుతున్నాయి.