రీసెంట్ గా టాలీవుడ్ లో వచ్చి సూపర్ సక్సెస్ అయ్యినటువంటి చిత్రాల్లో టాలెంటెడ్ స్టార్ హీరోయిన్ సమంత నటించిన అవైటెడ్ చిత్రం “యశోద” కూడా ఒకటి. మరి హరి మరియు హరీష్ లు తెరకెక్కించిన ఈ చిత్రం ఓ ఆసక్తికర కాన్సెప్ట్ తో తెరకెక్కి భారీ సక్సెస్ ని అందుకొని 33 కోట్లకి పైగా గ్రాస్ ని వరల్డ్ వైడ్ అందుకుంది.
అయితే లేడీ ఓరియెంటెడ్ సినిమా అయినప్పటికీ మంచి వసూళ్లు వచ్చినా థియేట్రికల్ రన్ ని త్వరగానే ఈ చిత్రం ముగించుకుంది. దీనితో లేట్ చెయ్యకుండా ఓటిటి లో కూడా ఈ చిత్రాన్ని అన్ని భాషల్లో రిలీజ్ చేసేయాలని చిత్ర యూనిట్ భావించారు. అయితే ఇప్పుడు యశోద డిజిటల్ రిలీజ్ కి బ్రేక్ పడినట్టుగా వార్తలు వినిపిస్తున్నాయి.
యశోద చిత్రంపై ఓ ప్రముఖ హాస్పిటల్ వారు కేసు వేయగా దానితో కోర్టు యశోద చిత్ర యూనిట్ కి షాకిచ్చినట్టుగా తెలుస్తుంది. ఆ హాస్పిటల్ వారు తమ పేరు వాడి సినిమాలో తీసి బయట మా రెప్యుటేషన్ తీసేలా చేసారని కోర్టుని ఆశ్రయయించగా న్యాయ స్థానం యశోద డిజిటల్ రిలీజ్ అందాకా నిలిపివేయాలని ఉత్తర్వులు జారీ చేసిందట. దీనితో ఈ వార్త ఇప్పుడు సినీ వర్గాల్లో ఆసక్తిగా మారి వైరల్ అవుతుంది.