క‌రోనా మ‌హ‌మ్మారి త‌న ప్ర‌తాపం చూపిస్తూనే ఉంది. ప్ర‌స్తుతం మ‌ర‌ణాల సంఖ్య త‌గ్గుతున్న‌ప్ప‌టికీ ,దాని ప్ర‌భావానికి ఇబ్బందులు ప‌డే వారి సంఖ్య క్ర‌మ‌క్ర‌మేపి పెరుగుతుంది. అనేక జాగ్ర‌త్త‌ల న‌డుమ బ‌య‌ట‌కు వ‌స్తున్నా కూడా క‌రోనా బారిన ప‌డ‌కుండా ఉండ‌లేక‌పోతున్నారు. ఇప్ప‌టికే చాలా మంది టాప్ స్టార్స్ క‌రోనాతో వణికిపోగా, ఇప్పుడు మ‌రో స్టార్ సెల‌బ్రిటీ క‌రోనా బారిన ప‌డ్డ‌ట్టు బీటౌన్ టాక్. వివ‌రాల‌లోకి వెళితే బాలీవుడ్ కండల వీరుడు సల్మాన్ ఖాన్ ప‌ర్స‌న‌ల్ కారు డ్రైవ‌ర్, మ‌రో ఇద్ద‌రు స్టాఫ్ తాజాగా ప‌రీక్ష‌లు నిర్వ‌హించుకోగా, వారికి క‌రోనా పాజిటివ్ అని నిర్ధార‌ణ అయింద‌ట.
ఈ విష‌యం తెలుసుకున్న సల్మాన్ వెంట‌నే త‌నతో పాటు త‌న కుటుంబ స‌భ్యుల‌ని సెల్ఫ్ క్వారంటైన్‌కు వెళ్లాల్సిందిగా కోరాడు. ఈ రోజో రేపో సల్మాన్ క‌రోనా టెస్ట్ చేయించుకోనున్న‌ట్టు తెలుస్తుంది. అందులో పాజిటివ్ అని తేలితే అభిమానులు ఆందోళ‌న చెంద‌డం ఖాయం. క‌రోనా ఉదృతంగా ఉన్న స‌మ‌యంలో సల్మాన్ ఖాన్ త‌న ఫాం హౌజ్‌లోనే ఎక్కువ స‌మ‌యం గడిపిన సంగ‌తి తెలిసిందే. జాక్వెలిన్ ఫెర్నాండేజ్, లులియా వాంట‌ర్‌తో పాటు ఇత‌ర ఫ్రెండ్స్ కూడా చాలా రోజులు ఫాం హౌజ్‌లోనే ఉన్నారు.
లాక్ డౌన్ స‌మ‌యంలో సల్మాన్ ఖాన్ త‌న ఫాం హౌజ్‌లో పండిన కుర‌గాయ‌ల‌తో పాటు నిత్యావ‌ర స‌రుకుల‌ని చుట్టు ప‌క్క‌ల గ్రామాల‌కు పంచాడు. గుర్రాల‌తో స్వారీలు చేయ‌డం, షార్ట్ ఫిలింస్ తీయ‌డం వంటివి కూడా చేసిన సల్లూ భాయ్ వాటికి సంబంధించిన అప్‌డేట్స్‌ని ఎప్ప‌టిక‌ప్పుడు త‌న ట్విట్ట‌ర్‌లో షేర్ చేస్తూ నెటిజ‌న్స్‌కు మంచి వినోదాన్ని అందించేవాడు. ప్ర‌స్తుతం రాధే అనే చిత్రంతో బిజీగా ఉన్న సల్లూ భాయ్ త్వ‌ర‌లో ఈ చిత్రాన్ని ప్రేక్ష‌కుల ముందుకు తీసుకురానున్నాడు