దిల్ రాజు, బోనికపూర్ కలిసి తొలిసారి సంయుక్తంగా నిర్మిస్తున్న’వకీల్ సాబ్’ సినిమాలో పవన్ కళ్యాణ్ హీరోగా నటిస్తున్న విషయం తెలిసిందే. ఇకపోతే దీని తర్వాత క్రిష్ దర్శకత్వంలో ఒక సినిమా ,అలానే గబ్బర్ సింగ్ దర్శకుడు హరీష్ శంకర్ దర్శకత్వంలో మరో సినిమా తో పాటు ఎస్ ఆర్ టి ఎంటర్టైన్మెంట్స్ బ్యానర్ పై సురేందర్ రెడ్డి దర్శకత్వంలో మరో సినిమా కూడా చేయనున్నారు పవన్ కళ్యాణ్. ఇటీవల ఈ సినిమాల అనంతరం పవన్ చేయబోయే తదుపరి సినిమాకు సంబంధించి కూడా అధికారికంగా ప్రకటన రావడం జరిగింది. సితార ఎంటర్టైన్మెంట్స్ బ్యానర్ పై నాగ వంశీ నిర్మాతగా సాగర్ కే చంద్ర దర్శకత్వంలో ఈ సినిమా తెరకెక్కనుంది.
ఇటీవల మలయాళంలో రిలీజ్ అయి సూపర్ హిట్ కొట్టిన అయ్యప్పన్ కోషియం కు అఫీషియల్ రీమేక్ గా తెరకెక్కనున్న ఈ సినిమాలో పవన్ కళ్యాణ్ పవర్ ఫుల్ పోలీస్ ఆఫీసర్ పాత్రలో కనిపించనున్నారు. ఇక ఈ సినిమాకు దర్శకుడు సాగర్ చంద్ర స్వతహాగా పవర్ స్టార్ కి పెద్ద అభిమాని కావడంతో ఆ సినిమా కథ లోని పవన్ పాత్రను మన తెలుగు ప్రేక్షకులకు నచ్చే విధంగా ఎంతో అద్భుతంగా డిజైన్ చేశాడట. మరీ ముఖ్యంగా పవన్ ఫ్యాన్స్ ని ఆయన పాత్ర ఎంతో ఆకట్టుకుంటుందని అంటున్నారు. ఇక అతి త్వరలో ఈ సినిమా సెట్స్ మీదకు వెళ్లనున్నట్లు తెలుస్తోంది. మరి ప్రస్తుతం ప్రచారం అవుతున్న ఈ వార్త కనుక నిజమే అయితే మాత్రం ఇది నిజంగా పవర్ స్టార్ ఫ్యాన్స్ కి మంచి పండుగ వార్తే అని చెప్పక తప్పదు..!!
‘వకీల్ సాబ్’ సినిమాలో పవన్ కళ్యాణ్ పవర్ఫుల్ లాయర్ పాత్ర పోషిస్తుండగా ఆయనకు జోడీగా శృతి హాసన్ నటిస్తున్నారు. అంజలి, నివేద థామస్, ప్రకాష్ రాజ్, సుబ్బరాజు తదితరులు ఇతర ముఖ్య పాత్రల్లో నటిస్తున్న ఈ సినిమాకి తమన్ సంగీతాన్ని అందిస్తుండగా నిర్మాతలు ఈ సినిమాని ఎంతో భారీ ఖర్చుతో నిర్మిస్తున్నారు. వేణు శ్రీరామ్ దర్శకత్వంలో అత్యంత ప్రతిష్టాత్మకంగా నిర్మితమవుతున్న ఈ సినిమాకు సంబంధించి ఇటీవల రిలీజ్ అయిన మగువా మగువా అనే పల్లవితో సాగే సాంగ్ తో పాటు ఫస్ట్ లుక్ మోషన్ పోస్టర్ కూడా ప్రేక్షకాభిమానుల నుండి మంచి రెస్పాన్స్ లభించింది.