RGV: కేసుల భయం…దెబ్బకు దిగొచ్చిన వర్మ.. బాలయ్య పై ప్రశంశల వర్షం?

RGV: ఏపీలో కూటమి ప్రభుత్వ నేతల గురించి వారి కుటుంబాల గురించి గతంలో అనుచిత వ్యాఖ్యలు చేస్తూ సోషల్ మీడియాలో పోస్టులు పెట్టిన వారిపట్ల కూటమి ప్రభుత్వం అరెస్టులు చేస్తూ తగిన శిక్ష విధిస్తోంది. ఈ క్రమంలోనే ఇప్పటికే ఎంతోమంది సోషల్ మీడియా కార్యకర్తలు అరెస్ట్ అయిన సంగతి మనకు తెలిసిందే. ఈ క్రమంలోనే ప్రముఖ సంచలనాత్మక దర్శకుడు రామ్ గోపాల్ వర్మపై కూడా కేసులు నమోదు అయ్యాయి.

ఈయన గతంలో చంద్రబాబు నాయుడు పవన్ కళ్యాణ్ లోకేష్ గురించి వివాదాస్పద పోస్టులు పెట్టారు. వారి ఫోటోలను మార్ఫింగ్ చేస్తూ ఎంతో అవమానకరంగా వర్మ సోషల్ మీడియా వేదికగా పోస్టులు షేర్ చేయడంతో ఈ విషయంపై ఈయన పట్ల పోలీసులకు ఫిర్యాదులు వచ్చాయి ఈ క్రమంలోనే ఏపీ పోలీసులు హైదరాబాద్లోనే వర్మ ఇంటికి వెళ్లి మరి ఆయనకు నోటీసులు అందజేశారు ఈ నెల 19వ తేదీ విచారణకు హాజరుకావాలని తెలియజేశారు.

ఇలా వర్మపై పోలీస్ కేసు నమోదు కావడంతో ఏ క్షణమైనా ఈయనని కూడా అరెస్టు చేయవచ్చని తెలుస్తోంది. అయితే ఈ కేసుల గురించి వర్మ ఎక్కడ కూడా స్పందించిన దాఖలాలు లేవు మరి ఈయన పోలీసులు చెప్పిన విధంగానే విచారణకు వెళ్తారా లేదా అనేది కూడా తెలియాల్సి ఉంది. ఇదిలా ఉండగా తాజాగా ఈయన సోషల్ మీడియా వేదికగా చేసిన పోస్ట్ సంచలనంగా మారింది.

కూటమి నేతల గురించి ఇప్పటికే ఎన్నో విమర్శలు చేసిన వర్మ మొదటిసారి బాలకృష్ణ పై ప్రశంసల వర్షం కురిపిస్తూ చేసిన ట్వీట్ వైరల్ అవుతుంది. ఇది చూసిన నేటిజన్స్ కేసుల భయంతోనే వర్మ ఇలా దిగొచ్చారని కామెంట్లు చేస్తున్నారు. మరి బాలయ్య గురించి వర్మ ఏం చెప్పారు అనే విషయానికి వస్తే..

ఇటీవల బాలకృష్ణ బాబి డైరెక్షన్లో రాబోతున్న సినిమా టైటిల్ విడుదల చేసిన సంగతి మనకు తెలిసిందే. ఈ సినిమా డాకు మహారాజ్ గా ప్రేక్షకుల ముందుకు రాబోతుంది. ఇక ఈ సినిమా నుంచి టీజర్ విడుదల చేయగా వర్మ ఈ టీజర్ పై స్పందిస్తూ..ఈ టీజర్ హాలీవుడ్ రేంజ్లో కనిపిస్తోంది. ఇది కేవలం విజువల్స్ పరంగానే కాదు.. ఎమోషన్స్ లో కూడా ఇతిహాసం ఉంది. బాలయ్య ఇంత క్లాసీ.. పవర్ ఫుల్ గా కనిపిస్తారని ఎప్పుడూ అనుకోలేదు.ఈ సినిమా ఈ సంక్రాంతి నుంచి వచ్చే సంక్రాంతి వరకు నడుస్తుంది అంటూ బాలయ్య సినిమాపై ఈయన ప్రశంసల వర్షం కురిపిస్తూ చేసిన ఈ ట్వీట్ సోషల్ మీడియాలో వైరల్ అవుతుంది.