మీకు ఆర్జీవీ సినిమా 12వ అంతస్తు గుర్తుందా? హా.. అదేదో పాత సినిమా కదా. ఇప్పుడెందుకు దాని గురించి చర్చ అంటారా? ఇప్పుడు ఆ సినిమా యూట్యూబ్ లో ట్రెండింగ్ లో ఉంది. ఒక్క రోజులోనే ఆ సినిమా రేంజే మారిపోయింది. ఎందుకంటే.. ఆ సినిమాను బిగ్ బాస్ హౌస్ లో ప్లే చేశారు.
కోట్ల మంది జనం చూసే బిగ్ బాస్ హౌస్ లో ఆర్జీవీ సినిమా 12వ అంతస్తు సినిమాను ప్లే చేశారంటే.. ఇక జనాలు ఊరుకుంటారా? అరె.. ఏంది ఈ సినిమా.. ఒకసారి చూద్దాం అని గూగుల్ లో జల్లెడ పడుతున్నారు.
నిజానికి అది హిందీ సినిమా కానీ.. తెలుగులో కూడా డబ్ చేశారు. అజయ్ దేవగణ్, ఊర్మిళ ప్రధాన పాత్రల్లో నటించారు. చాలా ఏళ్ల క్రితం వచ్చిన సినిమా అది. కానీ.. బిగ్ బాస్ పుణ్యమాని ప్రస్తుతం తెలుగు ప్రజలంతా ఆ సినిమా గురించి మాట్లాడుకుంటున్నారు.
బిగ్ బాస్ హౌస్ ప్రస్తుతం ఘోస్ట్ హౌస్ లా మారింది. అందుకే… బిగ్ బాస్ హౌస్ లో జలజ అనే ఓ దెయ్యం తిరుగుతోంది. ఆ దెయ్యమే.. ఇంట్లోని కంటెస్టెంట్లను భయపెట్టాలని ఆ సినిమాను ప్లే చేసింది. ఆ సినిమాను ప్లే చేస్తూ.. కంటెస్టెంట్లకు స్పూన్ టాస్కును కూడా ఇచ్చింది. అలా.. ఆర్జీవీ సినిమా ఫేమస్ అయిందన్నమాట.