రాజావారు రాణి గారు, అశోక వనంలో అర్జున కళ్యాణం వంటి సినిమాలతో మంచి విజయాన్ని అందుకొని గుర్తింపు పొందిన డైరెక్టర్ రవికిరణ్ కోలా విజయ్ దేవరకొండ కాంబినేషన్లో ఒక మూవీ రాబోతుందనే సంగతి అందరికీ తెలిసిందే. ఈ సినిమా చిత్రీకరణకు సన్నాహాలు శరవేగంగా జరుగుతున్నాయి ఇక కధ విషయానికి వస్తే పొలిటికల్ బ్యాక్ డ్రాప్ తో సాగే గ్రామీణ యాక్షన్ చిత్రం అంటున్నారు. దిల్ రాజు ప్రొడక్షన్ లో భారీ స్థాయిలో ఈ సినిమా తెరకెక్కబోతున్నట్లు సమాచారం.
మంచి ఫీల్ గుడ్ సినిమాలు తీయగల రవి కిరణ్ కోలా తో విజయ్ దేవరకొండ సినిమా చేస్తున్నారంటే కచ్చితంగా ప్రేక్షకులలో మంచి అంచనాలే ఉంటాయి. ఇప్పటివరకు సాఫ్ట్ సైడ్ మాత్రమే టచ్ చేసిన ఈ డైరెక్టర్ ఇప్పుడు వైలెన్స్ సైడ్ కూడా టచ్ చేసేందుకు విజయ్ దేవరకొండ తో సిద్ధమవుతున్నాడు. ఇక రవి కిరణ్ కోలా తన సినీ కెరియర్ గురించి మాట్లాడుతూ చిరంజీవి గారి వల్ల తనకి సినిమాలు మీద ఇంట్రెస్ట్ ఏర్పడిందని చెప్పుకొచ్చాడు.
తనకు సినిమా అంటే చిరంజీవి అని మాత్రమే తెలుసని ఆయన సినిమాలు చూస్తూ, పాటలు వింటూ పెరిగానని, ఆయన ఇన్స్పిరేషన్తోనే సినిమాల్లోకి వచ్చానని చెప్పుకొచ్చాడు. ఇప్పుడు తాను డైరెక్ట్ చేయబోతున్న హీరో విజయ్ దేవరకొండ సూపర్ హిట్ మూవీ అయిన అర్జున్ రెడ్డి చిత్రాన్ని సత్యం థియేటర్లలో నేల టికెట్ లో కూర్చొని చూశానని, తనకు ఆ సినిమా లార్జర్ దేన్ లైఫ్ అని అన్నాడు.
విజయ్ ని ఈ సినిమాలో చాలా టఫ్ గా చూపిస్తూనే సాఫ్ట్ యాంగిల్ లో కూడా చూపిస్తానని, ఆ పాత్రకి ప్రేమ కోపం రెండు ఓ రేంజ్ లో ఉంటాయని అందుకే పోస్టర్ మీద కత్తి నేనే, నెత్తురు నాదే, యుద్ధం నాతోనే అని పెట్టాడంట కిరణ్ కోలా. కిరణ్ మాట్లాడే విధానం చూస్తే సినిమా మీద మంచి కాన్ఫిడెంట్ తో ఉన్నట్లు కనిపిస్తున్నాడు. విజయ్ కి మంచి కం బ్యాక్ ఇస్తాడు లేదో వేచి చూడాల్సిందే.