Ram Charan: ప్రపంచ వ్యాప్తంగా భారీ అంచనాలతో ఇటీవల రిలీజైన మూవీ ఆర్ఆర్ఆర్ గురించి అందరికీ తెలిసిందే. అయితే అందులో నటించిన వారందరూ ఇప్పుడు ప్రశంసలు అందుకుంటున్నారు. తెలుగు సినిమా ఖ్యాతిని తెలియజెప్పే సినిమాలో తామూ ఓ భాగమైనందుకు వారు గర్వంతా ఫీలవుతున్నామంటూ ఆనందం వ్యక్తం చేస్తున్నారు. ఇక తారక్, రామ్ చరణ్ల గురించి ప్రత్యేకంగా చెప్పాల్సిన అవసరం లేదు. సినిమా ప్రారంభం నుంచీ చివరి వరకూ ఎక్కడా కూడా ఎన్టీఆర్, చరణ్లు కనిపించకుండా, కేవలం ఆ పాత్రలు మాత్రమే కనిపించేలా తీశారని దర్శక ధీరుడు రాజమౌళిపై అందరూ ప్రశంసల వర్షం కురిపిస్తున్నారు.
దీంతో ఎన్టీఆర్, రామ్ చరణ్ల క్రేజ్ అమాంతం పెరిగిపోయింది. ఊహించని రీతిలో ఆర్ఆర్ఆర్ మూవీ విజయం సాధించడంతో వారిద్దర్నీ అందరూ తెగ పొగిడేస్తున్నారు. ఇక రామ్ చరణ్ గురించి చెప్పాలంటే తండ్రికి తగ్గ కుమారుడు అనే బిరుదును కూడా ఇచ్చేశారు. దీంతో చెర్రీ నెక్ట్స్ తీయబోయే, రిలీజ్ కాబోయే సినిమాలపై అందరి దృష్టీ పడ్డట్టు తెలుస్తోంది. అందులో భాగంగా మెగా స్టార్ చిరంజీవితో కలిసి మరోసారి స్ర్కీన్ను షేర్ చేసుకోబోతున్న చరణ్, ఆ సినిమా ఎప్పుడెప్పుడు రిలీజ్ అవుతుందా అని ఎదురు చూస్తున్నానని ఇప్పటికే చాలా సార్లు చెప్పారు.
ఇక తాజాగా కొరటాల దర్శకత్వంలో తెరకెక్కిన ఆచార్య సినిమాలో మెగాస్టార్ చిరంజీవి, రామ్ చరణ్, కాజల్ కూడా నటిస్తున్న విషయం తెలిసిందే. అయితే ఈ మూవీ ఏప్రిల్ 29న విడుదల కానున్న నేపథ్యంలో ప్రమోషన్స్ భారీ ఎత్తున నిర్వహించాలని మూవీ మేకర్స్ ప్లాన్ చేస్తున్నారని సమాచారం. అయితే ఈ చిత్రంలో చిరంజీవికి జోడీగా నటిస్తున్న కాజల్ కూడా ప్రమోషన్స్లో పాల్గొంటానని అనడంతో, రామ్ చరణ్ మాత్రం దానికి ససేమిరా ఒప్పుకోలేదని తెలుస్తోంది. ఇప్పటికే ఆమె గర్భవతిగా ఉన్న విషయం తెలిసిందే. కాబట్టి ఈ పరిస్థితుల్లో ఆమెను ఇబ్బంది పెట్టకూడదని చరణ్ ఇలా స్పందించినట్టు సమాచారం.