ఒక మల్టీస్టారర్ సినిమా సెట్స్ పైకి వచ్చే వరకు ఒకప్పుడు అభిమానులు నమ్మేవారు కాదు. అయితే చాలా కాలం తరువాత అగ్ర హీరోలు ఈగోలను పక్కనపెట్టే సినిమాలను వెండితెరపైకి తీసుకు వస్తున్నారు. ఇక మెగా పవర్ స్టార్ రామ్ చరణ్, పవర్ స్టార్ పవన్ కళ్యాణ్ కూడా కలిసి నటించబోతున్నట్లు రూమర్స్ వస్తున్నాయి.
ఇప్పటికే ఒకసారి గోపాల గోపాల సినిమాతో మల్టీస్టారర్ సినిమా చేసిన పవన్ కళ్యాణ్ ఆ తరువాత మలయాళం రీమేక్ అయ్యప్పనుమ్ కొశీయుమ్ సినిమా ద్వారా కూడా రానాతో కలిసి స్క్రీన్ షేర్ చేసుకుంటున్న విషయం తెలిసిందే. మరోవైపు రామ్ చరణ్ కూడా అదే తరహాలో RRR వంటి సినిమాతో పాటు తండ్రి మెగాస్టార్ ఆచార్య సినిమాలో కూడా స్పెషల్ పాత్రలో నటిస్తున్నాడు. అయితే లేటెస్ట్ గా ఇండియన్ స్టార్ డైరెక్టర్ శంకర్ తో కూడా ఒక సినిమా చేసే ఛాన్స్ ఉన్నట్లు రూమర్స్ వస్తున్నాయి.
ఇప్పటికే కథపై ఒక క్లారిటికి వచ్చిన దర్శకుడు ఈ హీరోలిద్దరికి సరిపోయేలా స్క్రిప్ట్ రెడీ చేసినట్లు రూమర్స్ వస్తున్నాయి. ఇక ప్రస్తుతం ఈ ముగ్గురు కూడా రాబోయే సినిమాల కోసం తీరిక లేకుండా షూటింగ్స్ తో బిజీగా ఉన్న విషయం తెలిసిందే. ఇక ఇప్పుడు సడన్ గా శంకర్ దర్శకత్వంలో బాబాయ్ అబ్బాయ్ అనగానే ఇదెక్కడి రూమర్ అంటూ నెటిజన్లు కామెంట్స్ చేస్తున్నారు. మరి ఇది ఎంతవరకు నిజమో తెలియాలి అంటే మరికొన్ని రోజులు వేయిట్ చేయాల్సిందే.