టాలీవుడ్ ఇండస్ట్రీలో హీరోగా ఎంతో పేరు ప్రఖ్యాతలు సంపాదించుకున్న పవన్ కళ్యాణ్ గురించి ప్రత్యేకంగా చెప్పాల్సిన పనిలేదు. ఈయన హీరోగా మాత్రమే కాకుండా రాజకీయాలలోకి కూడా ఎంట్రీ ఇచ్చి జనసేన పార్టీని స్థాపించి జనసేన అధ్యక్షుడిగా కొనసాగుతున్నారు. రాజకీయాలన్న తర్వాత శత్రువులు ఉండటం సర్వసాధారణం ఈ క్రమంలోనే పవన్ కళ్యాణ్ కు కూడా శత్రువులు ఉన్నారంటూ గత రెండు రోజులుగా సోషల్ మీడియాలో పెద్ద ఎత్తున వార్తలు వస్తున్నాయి. కొందరు గుర్తు తెలియని వ్యక్తులు పవన్ కళ్యాణ్ ప్రతి కదలికను గమనిస్తూనే ఉన్నారంటూ వార్తలు షికార్లు చేస్తున్నాయి.
పవన్ కళ్యాణ్ ఎక్కడికి వెళ్లినా కొంతమంది వ్యక్తులు ద్విచక్ర వాహనాలలో తన వెహికల్ ఫాలో అవుతూ ఆయన ప్రతి కదలికను పరిశీలిస్తున్నారని అదేవిధంగా రెండు రోజుల క్రితం పవన్ కళ్యాణ్ ఇంటి ముందు కొందరు వ్యక్తులు అదేపనిగా కారును ఆపి అక్కడ ఉన్నటువంటి సిబ్బందితో గొడవ పెట్టుకున్నారని తెలుస్తోంది.ఇలా కొద్ది రోజులుగా పవన్ కళ్యాణ్ గురించి ఈ విధమైనటువంటి వార్తలు రావడంతో ఆయన ప్రాణాలకు ముప్పు ఏర్పడుతుందని అభిమానులు ఆందోళన వ్యక్తం చేస్తున్నారు.
ఈ క్రమంలోనే పవన్ కళ్యాణ్ అంటే ఎంతో ఇష్టం ఉన్నటువంటి రామ్ చరణ్ తన బాబాయికి మరింత భద్రత కల్పిస్తున్నట్లు తెలుస్తోంది. తన బాబాయికి మరింత సెక్యూరిటీని పెంచడమే కాకుండా తన సిబ్బందిని కూడా పవన్ కళ్యాణ్ కి సెక్యూరిటీగా నియమించినట్లు సమాచారం.ఇలా బాబాయ్ ప్రాణాలకు ఎలాంటి హాని జరగకుండా ఉండడం కోసం అబ్బాయి సెక్యూరిటీ టైట్ చేయడంతో పవన్ కళ్యాణ్ అభిమానులు అలాగే జనసేన నాయకులు ఎంతో సంతోషం వ్యక్తం చేస్తున్నారు.మరి రామ్ చరణ్ పవన్ కళ్యాణ్ గురించి వస్తున్నటువంటి ఈ వార్తలలో ఎంతవరకు నిజం ఉందో తెలియదు కానీ ప్రస్తుతం ఈ వార్తలు వైరల్ అవుతున్నాయి.