అమెరికాలో ‘ఆర్ఆర్ఆర్’ టీమ్ ఆస్కార్ హంగామా ముగిసింది. ‘ఆస్కార్’ని తీసుకొచ్చేశారు కూడా.! అంతేనా.? మెగా పవర్ స్టార్ రామ్ చరణ్ కాస్తా గ్లోబల్ స్టార్.. ఇంటర్నేషనల్ స్టార్ అయిపోయాడు.! అదెలా.? కేవలం ప్రచారం మాత్రమే కాదు, రామ్ చరణ్ ఓ హాలీవుడ్ సినిమాలో నటించబోతున్నాడట.
ఈ విషయమై అధికారిక ప్రకటన అతి త్వరలో రాబోతోందన్నది అత్యంత విశ్వసనీయ వర్గాల సమాచారం. ఆస్కార్ సంబరాల క్రమంలోనే రామ్ చరణ్, ఓ మాలీవుడ్ ప్రాజెక్టుని పట్టుకున్నాడట. ఓ హాలీవుడ్ ఫిలిం మేకర్ రామ్ చరణ్‌తో ప్రాథమిక ఒప్పందం చేసుకున్నారని కూడా తెలుస్తోంది. అయితే, ఈ విషయమై రామ్ చరణ్ ఇంకా పెదవి విప్పాల్సి వుంది.
మరి, యంగ్ టైగర్ ఎన్టీయార్ సంగతేంటి.? ఎన్టీయార్ ఇంకాస్త కష్టపడాల్సి వుంది. ముందుగా జాతీయ స్థాయిలో ఎన్టీయార్ సరైన గుర్తింపు పొందాల్సి వుంది.